On仔笑言為藝術犧牲靚仔型象。
陳健安（On仔）單飛發展後頻頻出新歌，非常勤力，日前更為新歌《以青春之名》MV冒着35度高溫，穿上破爛衣服身上塗上污泥，忍著全身泥汗黏在一起的感覺，「瞓身」演出，笑言為藝術犧牲靚仔型象。
On仔為新歌MV瞓身演出。
為切合歌詞中首句「Come on let’s change the world」，On仔認為要改變世界，先做好自己的精神，今次新歌和MV都亦嚐試了很多突破，第一次拍跳舞拍MV、第一次自己彈結他solo、第一次著美式足球制服。
On仔為新歌MV瞓身演出。
On 仔說：「《以青春之名》顧名思意就係歌頌青春，我自己對青春的理解，就係自由自在。所以今次我都放膽去做，第一次主動要求跳舞。首歌編曲有啲 funky，但我想跳現代舞，再加啲古怪嘅舞步，去展現我哋嘅青春，充滿創意和新鮮感。而我呢一身破爛衣服，其實試身時導演都有話要剪爛晒件衫，最緊要有美感。（成身泥唔怕污糟？）哈哈，我身上唔係全部泥，加咗啲啡粉合成，希望效果更迫真，所以唔係太汚糟。」
On仔為新歌MV瞓身演出。
今次新歌除了On仔親自作曲，而歌中結他Solo亦是由他親自上陣，拍MV當然都要露兩手，「新歌結他 solo 係我自己彈，我原意係我仍然對世界好奇，有好多嘢想試，這也是我對青春的體會。今次係同好多人一起合作，至可以做成件事，MV最後的camp fire，大家將舊衣服掉進營火燒掉，對青春有乜體會，就留待大家去聯想。」
On仔為新歌MV瞓身演出。
On 仔說由於時間緊迫，所以跳舞練習都壓縮在三日內進行，但只排了一日，他已自嘆原來青春是有限期的「排完第一日，頸酸，第二日，到肩膀拉緊，第三日，膝蓋都痛，幸好今日拍攝時熱身足夠，無乜大礙。」
一連四場《Live afteR Life 陳健安2024演唱會》非常熱鬧。
唱作人陳健安（安仔）一連四場《Live afteR Life 陳健安2024演唱會》，前晚（3日）在旺角麥花臣場館圓滿結束，安仔媽咪坐正第一行睇足全場，又喊又笑，還跟觀眾一同站起來揮手跳舞，十分投入。安仔開騷C AllStar好兄弟梁釗峰、樂隊Nowhere Boys的Van、女團Me&的Vian、同門師弟蔡浩然（Scott）和洪端珙（阿珙）、好友麻利、鍾雪瑩、造星V囝囝Tsoul、希晉、Hei、貓仔和樂庭，以及女團LollyTalk等捧場，非常熱鬧。
唱作人陳健安（安仔）一連四場《Live afteR Life 陳健安2024演唱會》
女團Me&的Vian
鍾雪、麻利
造星成員樂庭、貓仔、Hei、希晉、Tsoul
女團LollyTalk
完場觀眾不散場大叫encore，安仔再度上台，他向觀眾席拋出紀念品冷帽，被台下LollyTalk成員阿蛋接到，她興奮立即戴上。觀眾大叫「除衫」，安仔扮聽不到，連唱三首歌，包括慢版《唔明你講乜》、《煉獄健身室》和鋼琴版《仍然是那個少年》，然後突然除去身上演唱會Tee恤拋去台側觀眾席，全場尖叫起哄。最後他說： 「我好開心、我好滿足，我嘅第一個演唱會有你哋一齊見證，期待大家嘅千字文，我會好好品嘗，希望大家好好回味呢個演唱會，多謝大家！」然後衷心鞠躬致謝，全場掌聲歡呼，演唱會完美落幕。
大合照
完騷後安仔返到後台，說：「真係好開心，好感動，好難得完成四場演唱會，第一次一個人唱晒4場，之前真係有啲擔心，今日我好滿足！媽媽嚟咗睇兩場，開場第二首歌《愛的一種練習》，每次唱都會搵吓媽媽。之前我開新碟發布會專登唔唱呢首歌，留返有full band咁唱畀佢聽。第一場完騷後，佢同我講佢喊，我話我喺台上睇到。」安仔演唱會和音「雷同二友」成員兼表演嘉賓謝芊彤對安仔說：「我見到你媽媽眼神，非常支持你，令我哋好感動。」另一位表演嘉賓，女歌手廖穎琛（iii）大讚台下安媽悉心打扮，安仔爆料：「媽媽今日專登化粧Set頭，佢平時無化妝架，每次佢去捧我場，例如之前頒獎禮，佢就會化妝扮靚，隆重其事，代表佢好支持我。」
和音「雷同二友」成員
芊彤笑言投訴在台上被安仔整喊，說：「我哋每晚都畀你搞喊，其實綵排已經喊，當時我心諗希望你唔好再唱。」另一位和音成員，「雷同二友」的謝芊蕾自爆，演唱會由第一首歌就開始想喊，一直忍住，她說：「其實安仔一講嘢，就連開場前後台嗌Good Show我就已經喊啦！」安仔說：「第一場叫Good Show時我講咗一句：你哋好重要！佢哋就叫我『唔好講呢啲嘢啦』，我即刻轉語氣。」芊彤說：「因為我哋真係感受到你覺得我哋真係好重要，好真心，所以感動。」安仔坦言台上盡量避免眼神接觸，以防眼淚決堤。而iii與安仔回味台上合唱《雷公》的火花，她說：「感覺好正，一方面吵架，一方面好有愛。」
演唱會現場相片
演唱會現場相片
演唱會現場相片
演唱會現場相片
演唱會現場相片
演唱會現場相片
演唱會現場相片
演唱會現場相片
演唱會現場相片
演唱會圓滿成功，安仔最想食火鍋和飲凍檸茶，他說：「我為咗演唱會食清淡啲，不經不覺戒口個多月，主要食粥，整個月無飲凍飲，依家好想飲凍檸茶、食肥牛、炸响鈴，仲要有咸蛋黃嗰款，唔邪惡唔食。」
