Skip to Content Facebook Feature Image

楊偉雄明起訪美加5日 介紹香港創科最新發展

政事

楊偉雄明起訪美加5日 介紹香港創科最新發展
政事

政事

楊偉雄明起訪美加5日 介紹香港創科最新發展

2019年09月15日 14:31 最後更新:14:32

楊偉雄在溫哥華期間會與卑詩省官員會面。

創新及科技局局長楊偉雄明日(16日)至星期五(20日)出訪美加5天,行程包括西雅圖、三藩市和溫哥華,介紹香港在創科範疇的最新發展,加強聯繫。

美國西雅圖和三藩市訪問行程於星期一(16日)至星期三(18日)進行。楊偉雄會與當地科技界高層人員會面,參觀創新科技企業和設施,以及在午餐會上致辭,講述香港創新科技最新發展及多方面的優勢。

楊偉雄於星期四(19日)至星期五(20日)上午在溫哥華期間,會與卑詩省官員會面,參觀加國科技加速器及孵化器,並與醫療科技業界翹楚會面,探討合作機遇。

楊偉雄今晚深夜啟程前往西雅圖,星期六(21日)晚上返抵香港。他離港期間由副局長鍾偉強署任局長。

往下看更多文章

楊偉雄走到台前勢受狙擊

2015年03月04日 12:18 最後更新:12:25

因為財委會拉布,政府未能夠成立創新及科技局,依家先委任理大副校長做創新及科技顧問,同時搵佢做行政會議成員,收76,500元每月津貼,大家睇到政府呢招都係避開立法會的安排。

行政會議成員羅范椒芬承認係權宜之計,無辦法之中的辦法。無論如何,本來政府設計楊偉雄做創新科技局局長,暫時未做局長,做住顧問先,兼做埋行會成員,都係由幕後走到台前。

在香港政壇好得意,你在幕後做嘢無問題,你一走到台前,即使只係做行會成員,都係喺在傳媒的大光燈之下,用高規格去檢視。一公布楊偉雄的任命,即刻有媒體炒番舊事嚟講。

事緣佢在2010年時,係信息共融基金的董事,政府搞出基層兒童上網支援計劃,共融基金中咗標,其後被人投訴去廉署話共融基金中標有問題,雖然唔成一件案,但係廉署防貪處都有出報告批評事件,楊偉雄在廉署出報告前已辭去信息共融基金的董事職務,表面上叫做撇清關係。

呢啲舊事依家攞番出來講,事過境遷,廉署亦都無立案,照計陣火就燒唔大,不過,政壇高人講,依家從政係一個高風險行業,任何人踏入政圈,都預咗俾傳媒追訪,被高規格檢視,聞說唔少人派咗狗仔隊去追蹤楊偉雄,努女去想掘吓呢位行會新貴有冇醜聞,相信都有人同楊顧問教路,叫佢小心,唔好對傳媒狙擊掉以輕心,否則唔好未上任局長,己身中亂箭,咁就無隱啦。

你 或 有 興 趣 的 文 章