*

拍打戲不留手 宣萱慘遭古天樂撞牆受傷

噢!好似好痛......

古天樂與宣萱(Jessica)這對老拍擋繼電視劇《尋秦記》後,相隔17年於電影《犯罪現場》再度合作,鏡頭前後依然默契十足,但古仔卻竟然對Jessica痛下毒手,從後用風褸笠著Jessica的頭部,用力把她推向牆邊,結果戲外不慎弄傷她的頸部,幸好Jessica並無大礙,與古仔老友鬼鬼的她更笑說:「我唔會怪佢,Ok嘅!佢會萬歲㗎喇。」

古天樂與宣萱相隔17年於電影《犯罪現場》再度合作。

古仔一個突襲用手上的風衣笠宣萱頭推埋牆。

古天樂、宣萱

古仔解釋這場戲是因為他的一個誤會,所以偷襲Jessica,「開頭係諗住分開幾場戲做,但導演建議我地不如試下一次過做哂,咁可能我又肉緊得滯。」古仔憶起導演特意叫Jessica只是嘗試一下,如果辛苦就可以叫停,結果她忍著痛就完成整場戲,古仔就大讚Jessica專業,「我有同佢講你一唔得就嗌cut啦,咁佢真係好好嘅,成程都冇嗌cut,因為大力chok 住條頸點都會痛,但係佢就好堅持忍住做落去,係幾驚喜嘅!」 

宣萱、古天樂

Jessica受傷後,觀看回放鏡頭時更不斷轉頸拉筋,需要在頸上敷上冰毛巾,驚魂未定的她哭笑不得地說:「其實拍之前我驚咗好耐,因為我太了解佢(古天樂)喇!好驚同佢拍打戲!」原本該場戲有為Jessica準備替身演員,但Jessica為求效果完美,親身上陣,「導演同古仔建議我不如自己做埋啦,我都覺得咁樣(自己演)真係會靚啲嘅,成件事一個鏡直落可以smooth啲。」  

古天樂、宣萱

當Jessica聽到拍攝途中,她的頸發出「啪」一聲時已心感不妙,但依然堅持下去:「還掂都啪咗聲,所以一定要頂埋去,做埋場戲,都叫做犧牲得值啲嘛!」表現專業的Jessica說動作戲追求逼真,難免會受傷,她幽默地笑說:「本身兩個禮拜前我都約咗要正骨嘅,依家古仔幫我啪歪咗,再去整翻好,好似會抵啲。」

古天樂、宣萱

問到受傷後,古仔有沒有關心她?Jessica說有,她更故意壓低聲線模仿古仔:「上去敷冰啦!」二人再度埋位拍攝時,古仔更細心地為Jessica調整毛巾位置,令她躺在沙發時更加舒適,Jessica面露笑容,拍打古仔示意,顯示出兩人深厚的友情。

宣萱

宣萱