最後因張家輝的一句「你而家無，但係將來會有」，Michelle決定買6呎大床！
衛詩雅（Michelle）早前成功上車，更化身驗樓師帶大家一起到新居驗樓。收樓成功，下一步當然是為新家添置家俬，今次Michelle找來好友陳家樂幫忙，一起於網購家具。
網上圖片
Michelle早就看中一個衣櫃，卻被家樂評擊品味，「呢個唔靚囉！」Michelle又問家樂自己應該買4呎還是5呎床，家樂説：「4呎唔好啦，遲啲會有老公㗎嘛！」Michelle立即面紅的說：「咁又係，我都係咁諗，我都唔想我未來老公瞓得咁辛苦。」但又幻想假若買4呎床，兩人就可以睡得更親蜜。她又說現時自己一人睡的是5呎床，令她常常都感到「空虛、寂寞、凍。」家樂再提醒Michelle要為未來打算，最後兩人竟因張家輝的一句「你而家無，但係將來會有」而決定買6呎大床，相當搞笑。
衛詩雅早前成功上車，於是找來陳家樂幫忙網購家具。
兩人繼續選購家居，剛好看到一張只需100元的床，家樂立即爽快答應：「哇！呢張我送畀你啦。」怎料Michelle按選購後，價錢即變成2000多元，令家樂立刻反悔，「一係咁啦，我畀1000蚊你，你喺網上任執，5分鐘內。」Michelle則反諷指1000元太多，不知道該怎樣消費，但馬上挑戰5分鐘買家具的挑戰。
衛詩雅、陳家樂
想買地毯又想買窗簾的Michelle，不斷被家樂騷擾，指1000元不足以購買窗簾，又游說Michelle買小櫈子、層架、電視等，令Michelle笑着大叫：「你係咪玩嘢啊？」最後他們用10分鐘時間買了床頭櫃，結束挑戰。
衛詩雅、陳家樂
