*

upload_article_image

習主席見賀一誠 曉明哥在現場都被屈「燉冬菇」 讀讀國情基礎班

上周習主席在北京接見澳門新當選的特首賀一誠,《星島日報》報道國務委員、公安部部長趙克志罕見亮相,其後更透露原來趙克志做咗中央港澳工作協調小組副組長。

習主席上周接見澳門候任特首賀一誠(左2),張曉明(左1)坐在賀一誠旁。央視影片截圖

今天本港有報章「跟進」報道,話習主席見賀一誠時唔止多咗個趙克志,仲少咗港澳辦主任張曉明,講到似層層咁,話傳曉明哥因為反修例事件中「「謊報軍情、欺上瞞下」已被燉冬菇,無得做港澳小組副組長云云!

不過,政壇高人話唔使打聽都知呢單係「fake news」假新聞,因為睇番當天中央台的新聞聯播,畫面所見到曉明哥有參與會見,片段中見到習主席坐正中,一旁是協調小組組長、常務副總理韓正,中辦主任丁薛祥,之後多名協調小組副組長,包括政治局委員楊潔箎、統戰部長尤權、國務委員兼外長王毅、以及係趙克志,而習主席另一側就係賀一誠,而曉明哥就坐喺賀一誠旁邊,跟住就係澳門中聯辦主任傅自應、港澳辦副主任宋哲。

至於官方新華社發稿,報道「韓正、丁薛祥、楊潔篪、尤權、王毅、趙克志等參加了會見」,沒有張曉明的名字。高人話呢個真係國情基礎班課程,新華社報道習主席的活動,只會點出陪同的中央領導人名字,其他部級官員一係不會點名,新華社發稿中的六人,韓組長係政治局常委,丁薛祥、楊潔箎係政治局委員,尤權係中央書記處書記,王毅同趙克志就係國務委員,在中央的體制中,這些官員都是官拜中央領導人。

Ariel

** 博客文章文責自負,不代表本公司立場 **