*

upload_article_image

著高踭鞋現身老公傍到實 梁靖琪要安胎延期探訪柬埔寨

雖然今年去不了,但Toby表示已報名下年再去柬埔寨。

梁靖琪(Toby)與丈夫施雋賢(Jon)、鍾麗淇(Margaret)、吳佩慈及蔣怡等人日前到中環出席活動為國際慈善團體AIM(Agape International Missions)晚會籌款拯救一班柬埔寨雛妓。

梁靖琪與丈夫、鍾麗淇、吳佩慈及蔣怡等出席活動為國際慈善團體AIM晚會。

剛宣布懷孕的Toby身穿紅色晚裝及三吋高踭鞋赴宴,丈夫與好姊妹 Margaret 全程化身「左右護法」傍實,宣布佗B後首次出席公開活動的Toby表示,健康狀態十分好,故身體力行支持慈善,為BB進行胎教:「依家習慣每個星期會同丈夫去教會,每晚都會祈禱,希望BB聽多啲我哋講嘢,帶佢做多啲慈善工作。今年因為要留喺香港安胎去唔到柬埔寨再做探訪,不過已報咗名下年再去,唔知到時會唔會帶埋小朋友去做義工呢?」

梁靖琪與丈夫施雋賢

梁靖琪及好友鍾麗淇陪同下出席晚會。

問到丈夫可有對她穿高踭鞋有微言?Toby笑言:「我老公非常煩,由我開始話要著高踭鞋之後,佢就上網係咁睇孕婦幾時唔著得高踭鞋,係咁叫我買過對鞋,所以今晚我行去邊,佢應該會跟我去邊,哈哈。」

晚宴上的小禮物是柬埔寨被拯救的女孩以手指印製成。

Toby又講到自己即將榮升媽媽,特別關注小朋友的教育:「知道 AIM 有創辦專門嘅學校為有需要嘅小朋友提供免費教育,依家有超過 500 個學生。」她希望可以籌更多錢幫到更多小朋友。