*

upload_article_image

蔡少芬46歲生日 宣布「封肚」

夠晒恩愛

宣布懷有第三胎的女星蔡少芬(Ada)46歲生日,與丈夫張晉,同公司藝人朱茵、鄧麗欣(Stephy)、原子鏸丶歐倩怡等一同慶祝。蔡少芬以一襲白色連身裙到場,神采飛揚,十足「開籠雀」一樣,滿場飛跟其他人分享佗B心得。

張晉為蔡少芬驚喜送上一束46枝玫瑰及粉紅蛋糕。工作室圖片

張晉為太太Ada驚喜送上一束46枝玫瑰及粉紅蛋糕,認真別具心思,還親手撰寫生日咭,逗得Ada四萬咁口,Ada更情不自禁不時向張晉送吻,羨煞旁人。

張晉為蔡少芬驚喜送上一束46枝玫瑰及粉紅蛋糕。工作室圖片

Ada:「佢記得我生日,仲準備咁大束花,已經好開心!」問到張晉可有送禮物,她表示:「對上一次收禮物已經係聖誕節,當時佢送咗個手袋畀我,其實好感恩,我哋兩個都冇乜物質缺乏,買禮物都係為咗氹吓對方,佢仲話我今年都冇送生日禮物畀佢。」

Stephy、朱茵、原子鏸、歐倩怡賀蔡少芬生日。工作室圖片

提到生日願望,Ada表示最緊要是平平安安生個健康BB,而問到Ada昨晚跟張晉可有特別慶祝活動,她透露撇低兩位女兒楚兒、信兒,食飯共度二人世界:「尋晚有朋友送咗一間酒店房畀我哋,所以我要撇低兩個女,好好去享受,佢哋朝早已經同我講咗生日快樂,仲叫我玩得開心啲。佢哋兩、三個星期前已經送咗生日禮物畀我,佢哋將自己鍾意嘅玩具放落鞋盒送畀我,不過轉個頭就攞走晒。」

朱茵笑言叫 Ada 再生多個。工作室圖片

朱茵祝賀時叫Ada再生多個,成為「多產」藝人,Ada即謂:「啋過你!呢啲『多產』我唔要,工作嗰啲『多產』我就要。」Ada表示:「同朱茵大家咁話,叫佢追多個先,而Stephy就快啲結婚啦!我就夠喇,冇手再抱,我老公要留番一隻手攬我,所以我『封肚』,生埋呢個夠晒數。」