*

upload_article_image

約動作指導老友食嘢 44歲雪兒由頭Firm到落腳

邊度似44歲!

鄭雪兒(Michelle Saram)於1997年因為同郭富城合拍一個電訊公司廣告而爆紅,之後入行拍劇又拍電影還出過唱片,歌影視三棲,至2010年嫁予酒店業富商Ajai Zecha後定居新加坡淡出幕前,過幸福少奶奶生活。2017年,Michelle復出拍《殺破狼·貪狼》,4字頭無老態,由頭Firm到落腳。

97年,Michelle同城城拍嘅電訊廣告超經典。

講到凍齡心得,Michelle話:「一定要有充足睡眠,唔使做嘅時候,夜晚10點瞓覺朝早7點起身,然後要帶幾隻狗散步,跟住返嚟整早餐睇吓書再做gym。」近年茹素的她表示向來消化系統麻麻,戒食肉後感覺更健康:「少食肉我反而覺得仲有energy,另外最緊要係心情開朗,個人開心對外表都有影響。」

曾加入美國海軍陸戰隊嘅Chris為多部電影擔任動作指導,包括《殺破狼•貪狼》及《葉問4》等。

Michelle向來注重運動,最近就學習巴西柔術。

日前下晝3點,塊面緊緻又水潤Michelle,穿著貼身白Tee加黑色貼身褲,與老友兼電影動作指導兼巴西柔術導師Chris Collins現身ifc,見兩人去了一間食店,Chris負責買,但身為老友竟然不知女方食素,差點幫對方買了漢堡包,之後Michelle自己行去超市買沙律,見她望了陣已有心水,買完再會合老友行去搭的士。

Michelle現身ifc,沿途都有唔少人回頭望佢。

雖然已屆熟女之齡,但Michelle真心無乜走樣,身形仲Fit過唔少少女。

Michelle同Chris去餐廳買外賣。

各自買完嘢食,兩人搭的士離開。