診治中男病人：「係咪入來一齊？」
到診所求醫時，需要等待是常識。然而，facebook專頁「診所低能奇觀」則分享了一則帖文，指一名男子擬趕在電影開場前看醫生，而多次在醫生房敲門，最終被另一名病人擊退。
設計圖片
診所護士「珍寶豬」在其facebook專頁「診所低能奇觀」發帖，指一名男子早前到診所的登記處詢問，並告知若他現時登記則排第四，並估計他約需等待30分鐘。誰料，他聞言後竟表示，「半個鐘呀？我張飛仲有廿分鐘左右就開場啦喎」，「珍寶豬」即建議指，「你最好就係做完你啲嘢先再過嚟，我哋今晚收八點」，但對方則指，「夠啦，睇一睇好快啫，我又冇乜嘢」。
設計圖片
「珍寶豬」為男子登記時，他又指，「我真係得咁多時間可以俾到你㗎咋，拍硬檔爽手啲呀」，而「珍寶豬」則回答指，「先生，如果你趕時間嘅話就最好做埋你自己啲嘢先再過嚟」，對方其後沒有作聲。其後，男子因等待太久而感到不滿，並大聲指，「我仲要等幾耐㗎？真係開場㗎啦！」更走到醫生房門前多次敲門，並催促指，「入面嗰個可唔可以快少少呀？我趕時間呀」，以及「入面搞緊咩呀？係咪扑緊嘢呀？係就打開門啦！」
示意資料圖片/「診所低能奇觀」FB截圖
此時，醫生房內的另一位男病人突然開門，並反指「你係咪入嚟扑埋一份呀？吓？」，令他即時變得安靜。在醫生房再次關門後，男子對「珍寶豬」指，「我唔睇住啦，入面嗰個痴線㗎！你聽唔聽到佢挑逗我呀？你同我取消佢先呀！」
資料圖片
不少網民其後紛紛留言，並笑言「佢挑逗你，你咪挑逗返佢囉」、 「唔等得就唔好睇醫生啦...當時醫生一定好尷尬，兼且一定會認住呢個病人」、「咁精神都唔駛睇醫生啦～」、「醫生好無辜」等。
大埔林村河驚現「神秘圓圈群」，幾十個巨型圓形坑洞不規則排列在河底，網民解釋是「牠」搞鬼。
（FB圖片）
大埔林村河出現「神秘圓圈群」
有街坊於Facebook群組「大埔 TAI PO」發文兼上載照片，驚訝指於林村河中出現「神秘圓圈」，從照片可見，幾十個巨型圓形坑洞從河底延伸至河面，有些甚至伸出河面之上，它們大小不一，不規則的排列，至少延伸數十米長，部分圓圈內還有魚在游動。如此異象令樓主嘖嘖稱奇「林村河唔知發生咩事，好多個圈圈，水深嘅地方都見到，同埋上游好污糟，會唔會有外星人到訪此地」。
（FB圖片）
網民笑言：外星人來襲
帖文引熱議，有網民搞笑表示「我講你知其實係林村河嘅麥田圈圈」、「我果日踩單車經過，見到有幾個灰色既人仔，細細粒咁企左喺河到唔知搞乜，佢地望住我，我嚇到走左，原來真係外星人」、「係呀，外星人捉魚食」、「林村河生雞眼啊」、「超音鼠跌咗落水」、「有放過異形蛋呀」、「奇異博士泥左」。
（FB圖片）
街坊拆解真相：非洲鯽築巢
有知情的街坊則表示「年年都係咁㗎」、「吳郭魚/福壽魚(非洲鰂)魚巢」、「應該是非洲鰂築巢」、「鰂魚的巢來，在林村河下游潮退常見。而呢種鰂魚適應能力好強，所以你見到啲水污糟佢哋都係生存到，同外星人無關」。
非洲鯽魚又稱福壽魚，非香港本地物種
根據世界自然基金會的Facebook專頁，非洲鯽魚，俗稱福壽魚，為市場上常見的魚類品種之一。由於其適應力強，即使處於輕微至中度污染的水域中仍能生存，且其肉質鮮美，因此被廣泛飼養供人食用。雖然福壽魚非香港本地物種，但由於管理不善，有些人故意或無意間將其放入淡水或半鹹淡水中，導致其與當地原生魚爭奪食物。
(FB專頁「WWF Hong Kong」圖片）
被評為全球100種最具破壞性的「外星魚」之一
在其他地區，人們已經發現福壽魚是導致當地原生魚類數量減少的主要原因之一，進一步減少了棲息地的生物多樣性。它被評為全球100種最具破壞性的「外星魚」之一。因此，世界自然基金會早在《海鮮選擇指引》中將鯽魚列為紅色警告的「避免食用」類別。
帖文來源：Facebook群組「大埔 TAI PO」、Facebook專頁「WWF Hong Kong」
