娛圈事
雯雯強調「我絕對唔係有唔願意同勉強嘅情況下去結婚。」
張致恒（Steven）與歐燕雯（雯雯）月初拉埋天窗，雯雯當時被指黑面，兩公婆事後指當日是心情緊張，雯雯才會木無表情。雯雯昨日（24日）在社交網站發文，指婚前一個月收到侮辱、恐嚇及對她的小朋友不利的信息，所以在結婚當日她經常周圍望、個人好疑神疑鬼，導致無表情，並強調「我絕對唔係有唔願意同勉強嘅情況下去結婚。」
雯雯在簽紙當日木無表情。（資料圖片）
雯雯又表示：「其實同一個人可以行到結婚呢一日係一種好大嘅考驗..我唔知道人哋係點樣睇結婚，但係對於我來講..結婚係一樣一生一世嘅一件事，我既然選擇得同呢個人結婚，無論發生咩事我都一定要陪佢行落去。」
最後，雯雯說：「我而家已經唔係自己一個人，所有嘅事已經唔係我一個人，我一定會努力學習三個人嘅生活，我會盡我嘅努力每一日令自己成長。」
網上圖片
網上圖片
張致恒有工返無錢收？
有「離婚界KOL」之稱的張致恒（Steven）和區燕雯（雯雯）婚後育有四名兒子，兩公婆經常在社交平公開家事，一家又長期經濟困難，但近期張致恒似乎終於生性，不時在IG分享打工生活，日前舉家為大仔張天寶慶祝5歲生日。不過，雯雯今日（4月16日）突然出PO，自爆屋企被cut電，直言：「完全已經唔係容忍嘅範圍之內！」
張致恒早前不時在IG分享打工生活，似乎終於決定腳踏實地。
一家人日前齊齊出動為大仔張天寶慶祝5歲生日。
張致恒寄語囝囝：「努力做人，讀唔到書唔緊要最緊要做一個開心嘅人，做個善良嘅人，千祈唔好好似daddy咁失敗，所有嘢都一事無成！」
雯雯在IG Story以黑底白字留言：「要發生嘅，終於都發生，你終於都令到屋仝發生俾（畀）人CUT電，完全已經唔係容忍嘅範圍之內！小朋友又冇得煮嘢食，又冇熱水沖奶，不停喊，請問你想我點？！」根據雯雯以往經常在IG公開鬧爆張致恒，估計今次文中的「你」亦是指張致恒，令人疑惑他們一家的經濟狀況，張致恒是否仍有打工？
雯雯又公開指責張致恒？
此外，雯雯今年2月突然自爆有一名兒子患自閉及過度活躍症，「坦白講照顧呢類小朋友， 無論係身心情緒都係好大嘅學習，我一個人真係冇能力，同一時間可以照顧到四個小朋友，應該話可以照顧到，但係會有一定嘅危險。」又稱兒子曾跌倒傷耳，「醫生同我哋講呢類小朋友，一年起碼會去幾次急症室要有心理準備，而家每一日面對佢嘅行為情緒都係一個好大嘅挑戰，同時因為屋企其他嘅小朋友仲好細，亦都會受到影響，我哋亦都要好努力學習點樣可以得到一個平衡」，更坦言壓力已接近爆煲，引來不少網民關心，直到張致恒早前在IG分享為大仔張天寶慶生的照片，並留言：「想當日仲趴喺我心口度瞓覺我喺度打機，而家百厭調皮直情係一隻馬騮」，惹來網民揣測患自閉及過度活躍症是大仔，事後他與雯雯今日分別在IG Story澄清，貼出同一張大仔的照片，並留言：「我想澄清番，天寶係冇自閉」。
雯雯曾發長文解釋兩公婆不能出外工作的原因，其中一個原因就是有一個囝囝確診自閉及過度活躍症。
澄清大仔沒有患自閉證。
