*

與老友馮寶寶再聚頭 謝賢:時光倒流,重拾青春!

今次四哥擔正做男主角!

由林家棟監製、新銳導演高子彬執導,誠邀三位重量級演員謝賢、馮寶寶、林雪同台演出的黑色喜劇《殺出個黃昏》終於開拍。而憑《打擂台》亮麗演出而令人關注的賈曉晨(JJ)更是十年後歸隊再與林家棟合作,眾演員日前於油麻地一懷舊歌廳拍攝期間,吸引不少途人圍觀。

監製林家棟、演員謝賢、馮寶寶、林雪、賈曉晨、顏子菲、李燦琛、顧定軒、何雁詩、新人鍾雪瑩等出席《殺出個黃昏》開鏡儀式。

今次主題圍繞四哥周旋於馮寶寶、林雪兩個摯友之間,三人尋找存在價值。四哥近年演出多以客串為主,今次再次披甲上陣,以男主角身份奉獻給《殺出個黃昏》,他大讚《殺》片選角非常出色:「拍戲就多,同咁多o靚仔拍都係第一次,家棟又話要我變,又唔俾我側起個頭,咪睇佢有咩把砲囉!今次同阿雪演對手戲,叫佢放我一馬啦!」

謝賢

談到跟老友馮寶寶再聚頭,四哥笑指猶如時光倒流:「Bobo喺我眼中永遠係一個小妹妹。雖然係舊拍檔,但係我期望有新火花,等我帶佢攞翻啲青春。」四哥更表示:「其實我仲有一個任務,就係帶啲新人。」

馮寶寶、謝賢

而久未露面的馮寶寶,首日開工拍攝已經遇上片中「耆英天使」出動的場面,三人見面即來個熱情擁抱,更不時互相鼓勵一吓,BoBo姐表示:「我聽到係同四哥合作,咪喺馬拉即刻飛翻嚟囉,佢真係似我大哥哥㗎。」而一向貪玩的林雪於片場表現輕鬆:「我都係嚟跟四哥同Bobo姐學嘢,不過今次好難得我有條感情線,希望俾觀眾睇吓咩叫大叔的浪漫。」

謝賢、馮寶寶、林雪

林家棟、馮寶寶

除了融洽相處的場口,同樣也要拍三人壓力爆煲的場口,監製坦言甚具壓力。家棟表示:「今次每個角色背後都有自己嘅包伏,佢哋面對嘅挑戰好大,所以都要慢慢調整。幸好今次四哥、Bobo姐同阿雪,好有突破,好主動提出想法,我覺得係新人學嘢嘅好機會。」

林家棟與賈曉晨相隔十年再合作。