靚湯稱沒有約會。
湯洛雯曾到馬場拍新春節目,雖然沒聽信堪輿學家李丞責的貼士,但仍憑運氣落注100元贏足1000元。問到會否趁機認識馬主?靚湯笑言較想跟高海寧及莊思明學騎馬,對將來拍古裝也有用處。
靚湯表示還有個多星期才開拍新劇,笑問會否趁放假與追求者約會?她大呻擔心因與劉愷威的緋聞嚇怕追求者,說:「沒有約會,等你們介紹啦,也要大家寫我單身才行呢!(有否聯絡愷威?)沒有,件事太荒謬了!(舊愛羅天宇祝福你喎!)他試試不祝福我呀!其實不是事實,祝福啲咩!(沒機會復合?)不可能啦,我們是好朋友,沒有了愛情的感覺,反而似親人。」
新春節目拍攝。
靚湯心痛愛貓!
湯洛雯(靚湯)與馬國明結婚後,雖然二人未生小朋友,不過他們當一對愛貓Tino同Ariel是心肝寶貝一樣,十分疼愛。昨晚(3月19日)靚湯在IG上載其中一隻愛貓打完疫苗後出現異常反應,令她非常擔心,心痛到眼淚狂飆,還提醒大家帶毛孩去打疫苗時,一定要小心觀察打完之後的反應。
湯洛雯與馬國明當兩隻愛貓是心肝寶貝一樣。
愛貓打完疫苗後出異常反應。
靚湯說:「大家帶毛孩去打疫苗時候,一定要小心觀察打完之後嘅反應!今日帶大仔去打疫苗,以前打都冇事最多係攰啲,但係今日返到屋企,見佢一開始少少肚痾,跟住鼻哥好紅,再見到佢眼腫晒,之後呼吸極快,我真係嚇到癲咗即刻帶返佢去診所,打抗敏針同止嘔針,瞓氧氣箱,個心痛到啲眼淚狂飆。」她續指幸好半小時後情況舒緩「依家帶咗返屋企,好攰好攰,係咁瞓覺,都放心返啲醫生話極少數會有咁嘅反應,不過咁啱就係嗰個極少數佢仲話好彩我哋快帶佢去,如果唔係後果都有危險…………大家有冇試過啲咁嘅情況?」
靚湯心痛得狂飆淚!
隨後,靚湯感謝大家的留言,並指愛貓情況已穩定:「多謝大家嘅留言,原來大家都試過有咁嘅情況,真係好恐怖,第時都真係要考慮係咪真係要繼續打,太驚嚇。Update返,見佢睡姿回復正常,應該舒服返好多。」
靚湯叫大家帶毛孩打完疫苗後, 一定要留意牠們情況。
指愛貓情況已穩定。