Edmond笑言浸浴戲拍了兩個幾小時，浸到掉皮！
梁漢文（Edmond）主演的ViuTV劇集《假設性無罪》昨晚開（3日）始播出，Edmond在戲中要背着劇中老婆董敏莉偷吃其好友羅沛琪，他笑言比較多床上戲，可謂艷福無邊。
漢文偷食老婆好友，自言好艷福。
梁漢文與羅沛琪有不少激情場面。
Edmond笑言角色艷福不淺：「這個角色比較多親熱戲，我浸浴那場戲拍了整整兩個幾小時，真的浸到掉皮！」他亦大讚羅沛琪初次拍劇便越級挑戰床戲，表演專業，「她第一次拍劇，已經要拍這類場面，而且現場這麼多男士，但是她都沒有覺得尷尬，我希望她會愈戰愈勇！」
梁漢文拍這場浸浴戲，浸足兩粒鐘。
另外，張慧儀飾演的角色因性癮難耐，在辦公室大玩性玩具，意識大膽。張慧儀表示看畢劇本，與導演商討尺度和拍攝手法，「我覺得只要不猥瑣和惡心，意識大膽一點點也沒問題，一定不會尷尬！今次是我演電視劇以來，沒演過這類角色，但是作為演員，要接受不同挑戰！」
張慧儀笑言，今次角色意識十分大膽。
張慧儀更表示玩性玩具純為生理需要，不會感尷尬：「九十年代我拍電影更刺激啦！那個才是我終極大膽，不過都是三點不露的！今次拍攝導演安排得很，所以整個過程都拍得好舒服！」
進入結局周的《香港人》劇情越趨緊張，陳展鵬將吳若希嬲到離家出走之後，梁漢文彈琴冧吳若希勁浪漫！
由鍾澍佳總監製、黃國輝監製、陳翹英編審的台慶劇《馬百良安宮牛黃丸呈獻：香港人在北京》，周一至五晚9點半翡翠台播映。進入結局周的《香港人》劇情越趨緊張，30日講到Helen（吳若希Jinny飾）踢爆港仁（陳展鵬飾）隱瞞與蘇菲（蔡潔飾）同遊珠海，Helen嬲爆向港仁興師問罪，港仁解釋隱瞞此事只是擔心她會胡思亂想，Helen聞言再度怒火中燒：「點解我同蘇菲有一個一樣嘅手袋，就係因為你做錯嘢，就係因為你覺得對我唔住，所以買番個手袋氹我開心！」、「如果我唔係搵人查你，我一世都唔會知！」港仁反斥Helen暗中調查他，拋下一句：「我哋兩夫妻，搞到你查我我查你，咁就叫做信？」最終Helen嬲爆離家出走，兩夫妻關係陷入冰點！
Jinny嬲到離家出走，展鵬最終點樣氹番個老婆呢？
展鵬與Jinny於這場攤牌戲演繹到位，兩人你一言我一語谷到眼紅紅，Jinny的落淚表情更是令人心噏，戲味十足！展鵬受訪時坦言這場攤牌戲拍了幾個Take：「我希望盡量搵到個好節奏，演到嗰種真實感。畢竟我哋都結咗婚係過來人，現實中喺屋企少不免都有啲嘈吵同磨擦，有時都會傷到個心，更何況我同Jinny喺套劇中有第三者介入，係件好嚴重嘅事，希望呢場戲演到嗰種真實感。」提到不少網友大讚他與Jinny火花十足，展鵬說：「我對Jinny嘅評價都好高分，平時我好少同對手講應該要點演，我覺得真正嘅好拍檔要因應住大家嘅感覺去合作，亦都好多謝Jinny咁信任我，如果佢唔信任我，出到嚟嘅CP感唔會咁強。」講到Jinny於《香港人》的演出獲讚有驚喜，展鵬說：「作為佢嘅拍檔當然為佢感到開心，證明我同佢嘅互動好有火花！之前同過唔少女演員合作，但同Jinny合作係有啲唔同，始終佢演戲經驗比較新，但佢對角色拿捏得恰到好處，演出笑中有淚嘅感覺。」
展鵬同Jinny呢場攤牌戲勁有戲味。
展鵬同Jinny谷到眼紅紅。
展鵬同Jinny谷到眼紅紅。
Jinny嘅喊樣睇到人心都噏埋！
梁漢文彈琴冧吳若希勁浪漫
另邊廂，離家出走的Helen陰差陽錯下搬到張帥（梁漢文Edmond飾）家中「同居」，Helen遂發現張帥家中有一間神秘的房間，好奇張帥是否如電影《格雷的五十道色戒》的男主角一樣置有「玩具房」！但原來該神秘房間並非「玩具房」，只是張帥擺放鋼琴的房間，他向Helen躺開心扉透露自己是單親家庭長大，其中一部鋼琴是獨力湊大他的媽媽所贈送，惟五年前媽媽過世，之後他便失去寫歌的靈感，最終在Helen的鼓勵下，張帥學會釋懷並為Helen演湊鋼琴，場面浪漫。對於這場彈琴戲，Edmond在花絮片中透露是他最印象深刻的一場，他說：「我好重視呢場戲，因為我知道呢個劇情對部劇好重要，喺講晒自己嘅心底話之後，再要打開鋼琴去彈琴，係我好深感受嘅一場戲。」
另邊廂，梁漢文帶Jinny去拍拖搵番戀愛嘅感覺。
兩人陰差陽錯下畀手扣鎖住，場面搞笑。
之後會玩埋「同居」添！
梁漢文向Jinny坦白自己嘅身世。
梁漢文彈琴冧Jinny，場面好浪漫！
