處女個唱大壓力致暴瘦 譚嘉荃性感演出答謝粉絲

經理人漢洋爆料指到時歌衫可能會再少布啲！

歌手譚嘉荃（Amy） 入行19年，等開個唱等到頸都長，原先於9月5日在九龍灣展貿舉行處女show，最後因天氣關係延期至11月22日，連演出場地都改為旺角麥花臣場館。Amy意外地轉戰大場，壓力更大，經理人漢洋不止出錢又出力，還要做埋心理輔導員，漢洋坦承：「佢係個好需要安全感嘅人。」

譚嘉荃等咗19年終於圓夢舉行《一路上有你演唱會》。

譚嘉荃喺原先開Show當晚，透過社交網開咗個「天氣不似預期Live」嚟答謝歌迷。

漢洋為怕Amy開Show改期會惹來是非，所以堅持改期後於大場舉行，「其實上次開售無耐就Full house啦，雖然細場得500個位，但呢個市道真係好好喇，改期後座位係多咗，有做生意嘅朋友就拍心口同我封蝕本門，話『如果賣唔晒有我哋包底。』睇10月4號門票開售去勢好ok，而且有朋友追加咗啲飛，票房唔係問題。」

譚嘉荃在演唱會上會跟漢洋合唱《其實我介意》。

漢洋又指Amy壓力好大，「我同佢做咗好多心理輔導，佢係緊張大師，我同佢講，話個天再畀機會你，等你喺更好場地及環境演出。」今次演唱會改期雖然令漢洋損失6位數字，但買個安心都叫值得：「既然當時預計開show當天有可能會掛八號風球，我唔想Amy開show前承受太大壓力，誠惶誠恐反而做得唔好。」

之前譚嘉荃出席私人宴會時，有小朋友粉絲求合照。

譚嘉荃之前喺一部講器官捐贈的電影中演媽媽生，罕有地低胸演出。

Amy則坦言好需要安全感，始終第一次開演唱會沒什麼經驗，比一般人緊張十倍，更消瘦至摸到肋骨，連生日飯都要押後食，「真係要畀掌聲經理人，同時好感謝表演嘉賓李國祥撐到底，改期演出都冇問題。」問到點報答漢洋？漢洋即搶答說：「咁熟唔使啦！最緊要佢做好個show。」至於可會性感演出來答謝觀眾？漢洋即爆料：「原本跳舞部份係着tube top，因為舞台大咗，衫都要再誇張啲，可能再少布啲。」譚嘉荃說：「佢真係嫌我套衫唔夠性感㗎，唯有再keep fit啲配合。」

漢洋嫌譚嘉荃着tube top勁歌熱舞唔夠性感。

KC為Amy擔任個唱嘉賓。

譚嘉荃與漢陽22日晚假文化文中舉行「滿漢荃席音樂盛宴演唱會」，兩人圈中好友如薛家燕、敖嘉年、黃翊等，及久未露面的施綺蓮亦和20歲女兒一起到場。

敖嘉年

蔣嘉瑩

黃翊

陳榮峻夫婦

施綺蓮同女兒

家燕姐

譚嘉荃與漢陽甫出場即又跳又唱10分鐘，兩人唱出《妖女》、《拒絕再玩》及《芳華絕代》等歌曲，向梅艷芳及張國榮致敬。另兩人分別唱出英文、國語、日文歌大晒語言天份，不過漢陽唱英文版《吻別》時就忘記歌詞。當嘉賓敖可凝出場後，她與譚嘉荃合唱《如果…陽光》、《初戀》，譚嘉荃指敖可凝患有先天性免疫系統病，不過仍追求音樂夢，之後她自爆免疫系統最近也出問題，至於漢陽則與樂隊All For One在台上夾Band。譚嘉荃其後換上低胸裙性感現身，與漢陽為音樂劇演繹一對情侶，並唱出《日與夜》、《相依為命》等歌曲。

譚嘉荃與漢陽甫出場即又跳又唱10分鐘

兩人向梅艷芳及張國榮致敬

兩人向梅艷芳及張國榮致敬

兩人向梅艷芳及張國榮致敬

譚嘉荃自爆穿紅色長裙演出時，一上台就跌Bra

漢陽就指自己不停發台瘟

譚嘉荃。

完騷後，兩人異口同聲表示演出時出現很多小意外，漢陽指自己之前染疫後失聲，故一直很驚會影響今次演出，又指自己不停發台瘟令譚嘉荃想殺了他，譚嘉荃就解釋在音樂劇中經常出現疊聲狀況，令她感到激氣。而漢陽又指唱《吻別》時，提字機突然發生故障失靈，問譚嘉荃給漢陽的表現值多少分，她給不出分數，不過她直言也不滿意自己的表現，她指開騷前幾天免疫系統出問題致眼腫，所以狀態不好，更自爆剛身穿紅色長裙演出時，一上台就跌Bra：「中樂嘅時候，一出場個扣就啪一聲甩咗，我呆咗，跌咗一邊落嚟（右邊），如果講得核突啲係斜咗，我就縮埋同擰轉背，成part就冇辦法專心唱歌，到咗做音樂劇嗰part我冇咗內衣，條牛仔裙就不斷瀡落嚟。」她指自己在B2時期也曾發生過類似的事件，當時因為穿上背心跳舞，所以跌到落肚臍，漢陽就笑指自己沒看到譚嘉荃跌Bra「嘥咗」。

譚嘉荃漢陽開騷一個跌Bra一個發台瘟，施綺蓮久未露面攜女撐老友。