*

upload_article_image

遭內地網民封殺 李佳芯孖陳豪鬧市被港粉「集郵」呵番

二人仲識講笑講得好開心~

去年憑電視劇《BB來了》首封TVB視后的李佳芯(Ali),之前於社交網站呼籲港人登記做選民,而遭內地網民封殺,更傳出被大台「雪藏」。Ali連月來飽受攻擊兼要通宵趕拍新劇《愛美麗狂想曲》,坦言「身心疲累」,好在不要用開工時,還有男友陳炳銓甜蜜慰藉。

李佳芯去年憑電視劇《BB來了》首封無線視后。

近日,有指Ali被飛出《BB來了2》,由岑麗香頂上,連帶男主角黎諾懿亦被馬國明頂替;而《踩過界II》亦無得留低,改由張曦雯做女主角。對於《BB 2》易角一事,Ali稱之前收到消息該劇押後至明年拍攝,換上馬明和香香,自己不會失望,又謂公司換角色非首次。

李佳芯傳出遭內地網民封殺,兩套新劇都被易角。其中拍《BB》人氣急升嘅佢和黎諾懿,在《BB 2》無得留低。

 

日前下午,Ali和三度合作的陳豪到銅鑼灣拍《愛美麗》外景。視帝視后捱熱在街上對稿後,才正式拍攝。當日戲份講述短裙Ali和陳豪瘋狂掃寢具後,再在街頭得意忘形,見女方愈講愈興奮,雙手fing高枕頭說:「嗰日喺會場唔該晒你呀!如果你再撮合我哋拍拖,到時佢派架私人飛機嚟接我去阿拉斯加食長腳蟹就好嘞!」只見陳豪一手扯住Ali,再沒好氣說:「CEO呀!CEO呀!We over there。」搞到Ali勁無癮。

三度合作嘅陳豪和Ali默契十足,當日兩人埋位前後都有講有笑。一roll機,人夫秒速變chok,好專業。

呢場戲Ali恨嫁個有錢人,fing高枕頭,春風得意。

 

由於現場太多雜音,導演要求拍多次,二人都笑笑口再埋位,非常專業。及至到陳豪出手扯回Ali行返前面時,Ali高踭鞋被渠蓋kick實,陳豪見狀馬上叫人幫幫她同時又無放手,怕Ali跌倒,然後風趣說:「佢(Ali)起磚呀!」二人隨即對望爆笑。

Ali高踭鞋被渠蓋kick實,陳豪見狀馬上叫人幫手,然後風趣說:「佢(Ali)起磚呀!」

說罷二人當場爆笑。

其後拍完不同角度鏡頭,兩人準備離開時,火速被途人包圍求合照,Ali和陳豪友善留步,逐一跟粉絲閒聊和影相,大打親民牌。最後,見Ali上公司車換回自己衫,才上助手車齊齊離開。

 

紮住鬢辮嘅Ali,與fans合照時不停被讚「好靚」。

逗留1小時,Ali收工時換番自己衫,又騷美腿。

li有助手揸車接送。