邀Dear Jane玩Crossover 許廷鏗預告出新碟賀入行10周年

許廷鏗笑是「拾下拾下」。

許廷鏗與樂隊Dear Jane到中環為音樂會表演，許廷鏗透露是首次參與戶外音樂會，若早知道有機會與同門的Dear Jane同場，便會大玩Crossover。衣著密實的許廷鏗似乎未了解戶外表演的辛苦之處，他自言很耐熱，否認是遮肥肉，又笑指同場的Dear Jane主音黃天翱（Tim）更有看頭。

許廷鏗藉機會向師兄們邀約Crossover，獲對方口頭答應，他又笑言有邀約好友鄭欣宜，卻被對方拒絕，因大家經常見面已生厭。

許廷鏗邀請Dear Jane 合作表演。

許廷鏗更開心表示，月底將推出大碟《拾》，被取笑是「拾下拾下」，他笑言：「的確是拾下拾下，因為是我入行十周年、亦是我第十隻碟，今次會有十首歌、十個封面，除了攝影師外更有好多身邊好友幫我影的相。」而同場的Dear Jane亦透露，將緊隨許廷鏗之後在年底推出新碟，需要互相幫手宣傳。

Dear Jane

許廷鏗表示當實體唱片是自己的卡片。

許廷鏗（Alfred）日前舉辦新歌試聽會及簽名會，由中午2點簽到晚上九時，Fans沿途各站上車見偶像，Alfred簽名都簽到手軟：「電車做新歌試聽會及簽名會，我之前好忍手唔幫Fans簽名，因為想等到今日先簽名，可以喺電車度同大家傾吓計，我同歌迷之間似朋友多啲，佢地已經唔會簽叫，所以呢日都會以親民為主。」

Alfred日前在電車舉辦新歌試聽會及簽名會。

Alfred新歌《多多指教》推出在即，亦宣布即將海外宣傳：「廣東話有時頗限制，但如果令其他地方了解多啲廣東話，呢個講法有啲偉大，但最想自己嘅音樂去到唔同嘅地方。」呢日雖然舉行「簽名會」，但中途發生「哈碌」情況：「我本來準備咗十幾枝簽名筆，不過呢一刻應該仲喺我張床度！簽名會唔記得帶筆真係癲咗線，好彩我有個美麗嘅Fans借咗枝筆比我，應該都頂到兩站嘅，不過都叫同事幫手去撲筆。」

Alfred宣布即將海外宣傳新歌。

Alfred笑言自己與Fans沒距離，仲話自己不時「周圍去」，希望與大家貼近：「希望用自己嘅影響力比其他人聽到，所以好多時作品源自Fans嘅DM，成為創作嘅養份。而出碟係因為自己『老餅』、『老派』，想要有實物喺手，我都當唱片係自己嘅卡片，不過張卡片嘅製作費好貴，只要有人買同想我簽名，所以都會製作。」佢就話同贊助品牌熟絡，碰巧對方電車有空檔，Alfred即時借用舉行互動簽名會，仲話有機會巡唱，叫歌迷跟住一齊出Trip。

Alfred笑言自己與Fans沒距離。

雖然實體碟製作費好貴，但Alfred指只要有人買同要他簽名，他都會製作。