初為人母樣樣由頭學起 董敏莉：辛苦過上班但樂多於苦

媽媽真偉大！

找個好歸宿、相夫教子，是大部分女人的幸福方程式，新手媽媽董敏莉（Monie）也不例外。2004年入行至今，Monie當過歌手、DJ及演員，事業多線發展，但也不及當人母般全情投入。

Monie坦言暫未打算為子子追個細佬妹，「始終要考慮好多因素，經濟、環境、自己身體機能，我哋呢方面無咩壓力。」（《東周刊》圖片）

Monie於2016年跟律師男友莊耀金結婚，2018年誕下女兒莊子子，專心當全職媽媽的她坦言，現在想過二人世界亦甚為艱難。「以前個個星期去睇戲，依家要偷時間，差不多三個月先睇一次，睇完急急腳返去湊女，夜街都好少去。」

雖然湊B困身，但媽媽總會樂在其中，加上囡囡跟Monie同月同日出世，母女更加心連心，「呢家好多父母都過份保護仔女，我反而想俾佢嘗試多啲事物，等佢自己探索多啲。」初為人母，樣樣由頭學起；幸而母愛偉大，沒有甚麼事情，能難到這位大無畏媽媽。

Monie小時候長得標緻，在四兄姐妹中排第三，是父母的心肝寶貝。（《東周刊》圖片）

據《東周刊》報道，當全職媽媽辛苦過上班，不過肯定也是樂多於苦，新手媽媽Monie感同身受。穿上白色碎花裙子的Monie精神飽滿，抱着愛女子子，開心Share其湊B日誌，「子子依家開始食粥仔，我已經輕鬆咗，最辛苦係六月份我拍劇嗰陣時，佢仲係食緊全母乳，我出去做嘢要泵定奶，返屋企又要餵奶，谷奶又辛苦，個人好Chur。有次拍外景，我要匿喺換衫嘅帳篷裏面泵奶，但劇組人員就喺出面食飯，泵奶機嗰啲Dee Dee聲就有啲尷尬，我成日都同人講，母乳萬歲呀！你要唔要飲呀？哈哈！」

Monie表示，子子的名字易記易寫，且富有意思，「子分別有兩個意思，係希望佢將來做個學術同德行都好好嘅人，係佢爸爸改嘅，佢話係俾莊子啟發的！」（《東周刊》圖片）

別看Monie現時談笑風生，回想九個月前，囡囡剛出生，廿四小時B不離身餵奶的日子，叫她一世難忘，「幾個月前我係零運動，因為完全無精神，又有媽媽手，試過痛到梳頭、刷牙都做唔到，係最近先有精神游吓水，起碼唔使半夜起幾次身餵奶，瞓得多啲。依家我大約重五十八公斤，我希望可瘦多幾公斤，因為要幫新劇做宣傳，都想出鏡Fit啲吖嘛。」

Monie笑言因為囡囡包包面，所以她跟老公莊耀金特別為她搞Pizza百日宴，與家人慶祝。（《東周刊》圖片）

有人話女人生仔搵命搏，Monie很認同，回想懷孕過程，也是步步驚心。「第一次做產檢時，先發現自己有個10cm嘅子宮肌瘤，個瘤仲大過個子宮呀！好彩最後都有驚無險，子子順利出世，重七磅二，同我出世時一樣磅數。」 

不僅磅數相同，連出生月日（11月26日），囡囡也跟媽媽相同，當真巧合得過份，「我哋都係人馬座，對所有嘢都極好奇、唔怕陌生人，呢點性格似我，不過佢個樣就似足爸爸啦！」說罷，那邊廂子子又在牙牙學語，逗得大家笑作一團。

正因為BB階段如此珍貴，Monie與老公更不願錯過跟子子相處的一分一秒，連旅行都要三人行。「小朋友出咗世，就無二人世界㗎嘞！旅行點都會三人行，唔會捨得留低佢，第一次會先去澳門練習吓，出年一月打算去澳洲，到時會係大挑戰！」

更多娛樂消息，請看東周網：http://eastweek.my-magazine.me/main/entertainment