*

upload_article_image

為出碟決心減肥美容 嚴淑明晒三卡鑽戒造勢

嚴淑明笑言為了拍攝所以扮靚啲。

闊別樂壇九年的嚴淑明,將於年底推出國語新碟。由於稍後要宣傳見人,懶於打扮的她,亦都扚起心肝去減肥及執個靚樣。剛好有美容品牌找她合作,雙方一拍即合,轉頭她就上去拍廣告片。

孭了兩大袋私伙前來,嚴淑明由頭襯到落腳,全程不假手予人。(《東周刊》圖片)

據《東周刊》報道,拍攝當日,悉心打扮的嚴淑明,手上戴上兩隻戒指,其中一隻係三卡的巨鑽,她拍攝時經常手揈揈講對白,相當耀眼。事後,她笑言:「我之前做沐浴露生意,因為急需要資金,所以將好多珍貴嘅珠寶首飾賣晒套現,呢家賣剩幾隻,今日拍嘢,咪扮靚啲戴下囉。」

嚴淑明到美容院拍片,期間大晒手上三卡鑽戒,排場十足!(《東周刊》圖片)

佢對拍攝效果甚為緊張,不時跟工作人員睇playback研究。(《東周刊》圖片)

為了變靚,女人可以去到好盡,嚴淑明還做了「微調」,「我都破四(四十歲)啦,好難敵得過歲月!我自覺肥咗,又有雙下巴,頸部又有啲耷,keep得都辛苦㗎。今日做呢個療程,有提升緊緻嘅作用,但會有少少痛。我唔主張整容,但呢啲係醫學科技,聽聞係即刻見效。」努力變靚些的她,相信好快會令一眾粉絲眼前一亮!

拍足大半日,佢僅得半個鐘到快餐店速食個叉雞飯醫肚。(《東周刊》圖片)

更多娛樂消息,請看東周網:https://eastweek.my-magazine.me/main/entertainment