*

upload_article_image

煞科即陪愛妻上糧 陳豪做阿四再幫仔女揀泳衣

阿Mo係100分老公同爸爸!

滿分人夫陳豪(阿Mo)日前在銅鑼灣野生捕獲,與視后李佳芯趕拍新劇《愛美麗狂想曲》外景。上周煞科後,阿Mo隨即回歸家庭樂,一連兩日分別閃現淺水灣和銅鑼灣。

陳豪日前在銅鑼灣與李佳芯趕拍新劇《愛美麗狂想曲》外景。

日前周六下午,為方便仔女返學而月租七萬多元搬往南灣的陳豪夫婦,偕陳豪媽媽往寓所附近的淺水灣行超市。三人在超市瘋狂上糧,買了好多豆奶、撈麵、蔬果、新鮮豬肉等等,放滿4、5大袋,食足兩日都得。

Aimee發現記者時,同老公一樣主動揮手say hi。

只見阿Mo先和外籍司機走一轉,拿了三大袋上車,再折返搵老婆和媽咪時,被男途人截停「集郵」都有講有笑,好nice。其後,阿Mo兩公婆以身掩護陳母閃上車。兩夫婦見慣鏡頭則向記者友善揮手微笑,極度親民,最後直返寓所湊小朋友。

結婚6年嘅陳豪陳茵媺愈來愈恩愛,且同樣親民,兩夫婦笑容一致。

日內煞科嘅陳豪,嚟緊會補番結婚周年之旅畀愛妻,將蜜遊意大利南部。

另一日,阿Mo獨自在銅鑼灣商場行逛,見他到銀行櫃員機襟錢,然後行入一間運動用品店,選購小朋友保暖連身泳衣。近日愛上一家五口幸福暢泳的阿Mo,主要看下藍色短袖泳衣,似想買給兩個寶貝仔Aiden和Nathan Lucas。其間,「男女通殺」的男神遇到一位中佬粉絲,兩男好friend咁笑口吹水再影合照,視帝魅力沒法擋呀!

呢日陳豪攝時間替兒子揀保暖連身泳衣。

呢日陳豪攝時間替兒子揀保暖連身泳衣。

「男女通殺」嘅男神陳豪與男fans笑笑口吹水再影合照。