為參加健美小姐極力瘦身黃榕上圍大減晚裝靠「攝」

黃榕心儀肌肉男，希望覓得一個超級大隻的男朋友。

黃榕、趙哲妤、尹蓁晞等為許嘉浩舉行的慈善時裝騷生日派對當模特兒行天橋。黃榕早前為參加健美小姐比賽瘦了許多，雖然現已由參賽期間的40.5公斤增磅至45公斤，但上圍細了兩個cup，不諱言當晚所穿的晚裝要在胸前「攝」許多東西，不過明年4月將再參加健美、比堅尼和美臀等比賽。她又表示，心儀肌肉男，希望覓得一個超級大隻的男朋友。

另外，趙哲妤為了女兒趙真羽、重返校園修讀言語治療碩士課程，全職讀書和照顧女兒，並直言當上單親媽咪後少了人追求，但生活更開心。現甚少扮靚和化妝的趙哲妤認為女人素顏有另一種美麗，自爆較同學年紀大一截，但有次一起去飲酒時，被要求查看身份證是否已成年。

阿儀話同黃榕一齊啲人望都唔望佢。

由樂力文創有限公司主辦，Yes Station合辦首個小型音樂派對《Yes Station Christmas Party 》日前順利完成，多位歌手藝人朋友出席，包括：賴映彤（彤彤）、鄭世豪、胡樂彤Melody、施詠輝（大輝S.W.F）、王嘉莉Kelly 、姜珈欣 Nara、黎靜彤Lily、阿儀、黃榕、葉小妍、鍾雨璇O3、高晉、陳彥熹Philip 、梁詠祈Winky、朱紫嬈、神奇膠、Be Free (BF3)、Edward@Canband 、All For One，神秘嘉賓 SoulJase@c allstar、龔柯允Karen、鄧禮迪（迪迪仔）、Mr.Jan、中年好聲音2冠軍黑馬劉可驚喜現身遊戲及交換聖誕禮物環節！

早前黃榕預告送性感內衣，祝好姊妹阿儀早日脫單，呢日阿儀就話對方亂講，仲爆對方成日分享騷身材：「佢成日都話舊時有D Cup嘛，又話健身搞到縮水，我都唔知佢講乜，費事同佢講！依家我經濟環境都OK嘅，梗係想搵多啲錢，拍拖就唔諗啦，同黃榕一齊啲人望都唔望我㗎啦。」

黃榕就反指對方恨拍拖，仲話對方成日問拍拖嘅問題：「我地有時都會講啲拍拖嘅題目，佢會好興奮咁問問題，證明佢都想有愛情降臨嘅，只係佢未有信心去接觸男人，到佢有信心、識打扮就有機會。」

呢日活動一眾歌手非常投入，不顧形象與粉絲玩遊戲，其中「爭凳仔」環節更有Fans激動坐「細龍生」鄭世豪大脾添！世豪就話唔介意，與Fans一直情如家人，希望與大家盡興共度聖誕：「唔好以為我地啲Fans好靜，佢地癲地上嚟好瘋狂㗎，我其實都好多年冇參加呢類Party，可能有小朋友參加，所以非常健康，真係有童年回憶。以前讀書交換禮物成日都抽到啲水杯，最記得有人攞張陳奕迅嘅簽名明星卡嚟，仲話係真跡，令我開心足幾晚，後尾先發現係同學自己簽上去。」