囝囝被指非張致恒親生 雯雯：請停止一切不負責任的說話

尊重自己同時都尊重別人。

因一腳踏幾船被封「世紀賤男」的張致恒（Steven），於九月與歌迷區燕雯（雯雯）註冊結婚，婚後雯雯自爆因收到侮辱恐嚇她和兒子的訊息，所以註冊當日才心驚驚沒表情。

雯雯自爆因收到侮辱恐嚇她和兒子的訊息，所以註冊當日才心驚驚沒表情。（資料圖片）

網上圖片

這些日子以來，雯雯不時在社交網站分享兒子成長點滴、父子日常、一家三口溫馨生活照等，但原來她仍一直承受著網絡欺凌。雯雯昨日（19日）在IG story上載兩張黑底白字圖片，寫有「希望每個人講說話，尊重自己同時都尊重別人！其實冇必要去攻擊一個bb。第一次第二次我可以控制到自己唔出聲，但係持續都係咁樣，我覺得我有必要去保護我自己小朋友，其實你哋憑乜嘢話我個小朋友唔係佢爸爸嘅親生！請停止一切不負責任的說話！」

網上圖片

網上圖片

另一張則寫着：「同時，唔需要再告訴我，我小朋友爸爸對外係點樣講去自己個仔個百日宴！所有事情我都係知道，冇需要再刻意話俾（畀）我知過去，佢係對我小朋友有幾咁唔好。我小朋友好愛佢爸爸，我亦都選擇繼續一家三口嘅生活，大家唔需要再訊息或者留言話俾（畀）我知佢曾經對我地（哋）有幾唔好。就算大家唔祝福我哋，但係我都希望大家可以比（畀）空間我哋去過我哋嘅新生活」。

網上圖片

張致恒有工返無錢收？

有「離婚界KOL」之稱的張致恒（Steven）和區燕雯（雯雯）婚後育有四名兒子，兩公婆經常在社交平公開家事，一家又長期經濟困難，但近期張致恒似乎終於生性，不時在IG分享打工生活，日前舉家為大仔張天寶慶祝5歲生日。不過，雯雯今日（4月16日）突然出PO，自爆屋企被cut電，直言：「完全已經唔係容忍嘅範圍之內！」

張致恒早前不時在IG分享打工生活，似乎終於決定腳踏實地。

一家人日前齊齊出動為大仔張天寶慶祝5歲生日。

張致恒寄語囝囝：「努力做人，讀唔到書唔緊要最緊要做一個開心嘅人，做個善良嘅人，千祈唔好好似daddy咁失敗，所有嘢都一事無成！」

雯雯在IG Story以黑底白字留言：「要發生嘅，終於都發生，你終於都令到屋仝發生俾（畀）人CUT電，完全已經唔係容忍嘅範圍之內！小朋友又冇得煮嘢食，又冇熱水沖奶，不停喊，請問你想我點？！」根據雯雯以往經常在IG公開鬧爆張致恒，估計今次文中的「你」亦是指張致恒，令人疑惑他們一家的經濟狀況，張致恒是否仍有打工？

雯雯又公開指責張致恒？

此外，雯雯今年2月突然自爆有一名兒子患自閉及過度活躍症，「坦白講照顧呢類小朋友， 無論係身心情緒都係好大嘅學習，我一個人真係冇能力，同一時間可以照顧到四個小朋友，應該話可以照顧到，但係會有一定嘅危險。」又稱兒子曾跌倒傷耳，「醫生同我哋講呢類小朋友，一年起碼會去幾次急症室要有心理準備，而家每一日面對佢嘅行為情緒都係一個好大嘅挑戰，同時因為屋企其他嘅小朋友仲好細，亦都會受到影響，我哋亦都要好努力學習點樣可以得到一個平衡」，更坦言壓力已接近爆煲，引來不少網民關心，直到張致恒早前在IG分享為大仔張天寶慶生的照片，並留言：「想當日仲趴喺我心口度瞓覺我喺度打機，而家百厭調皮直情係一隻馬騮」，惹來網民揣測患自閉及過度活躍症是大仔，事後他與雯雯今日分別在IG Story澄清，貼出同一張大仔的照片，並留言：「我想澄清番，天寶係冇自閉」。

雯雯曾發長文解釋兩公婆不能出外工作的原因，其中一個原因就是有一個囝囝確診自閉及過度活躍症。

澄清大仔沒有患自閉證。