*

upload_article_image

因學業與老公仔分隔兩地 新婚朱千雪幸福肥陪家人開餐

還有約半年,千雪就完成法律博士課程了!

當年被封為「民間港姐冠軍」的2012年港姐季軍朱千雪(Tracy),甫出道即受TVB力捧拍劇,但Tracy好乖女,性格低調慳儉還非常好學係學霸一名,年前回歸校園讀書,先在中文大學修畢企業傳播管理碩士課程,之後再在香港城市大學攻讀法律博士課程,似為未來鋪路,轉攻做「Law界女神」。

網上圖片

感情方面,Tracy就極之專一,今年8月初跟青梅竹馬、拍拖五年的醫生男友吳昆倫(Justin)在峇里舉行浪漫婚禮。老公現於新加坡中央醫院的放射治療部門擔任醫生顧問,還有約半年法律博士課程的Tracy就留港繼續學業,難怪早前問到造人大計,人妻都話要放埋一邊先。

朱千雪跟同齡老公一出生就認識,皆因雙方母親於同一所醫院相隔3日生頭一胎,緣份天注定。

朱千雪丈夫Justin現於新加坡中央醫院的放射治療部門擔任醫生顧問,年輕有為。

8月3日,Tracy在峇里舉行浪漫婚禮,獲一班圈中好友齊來見證。

月尾時,Tracy返加國出席好友婚禮,連身裙現肚,被指有喜,搞到網民紛紛恭喜。其後佢大方回應「just fat」。

日前晚上7時左右,千雪一家在太古城中心中菜館晚餐。當晚化了淡妝的Tracy穿上鬆身T裇裙配波鞋,全身圓潤,還露出粗腳仔。不過幸福肥的她依舊省鏡,還不介意坐大廳食飯,不怕被人認出。只見Tracy跟父親及胞妹好好傾,成餐飯未停過口,歎足個半小時才起身走人。一家人行去取車仍然邊行邊傾,一時就兩姊妹雞啄唔斷、轉頭輪到兩父女有講有笑,非常融洽。最後,孝順女Tracy照顧好母親上車後,才坐上司機位,負責做司機揸車離開。

移居加國多年嘅朱家,早年被指在港有半億物業,一家人平日衣着好casual。

率直可愛嘅Tracy坐大廳食飯時,唔怕人認出,不時大笑吹水。

餐後又嘴郁郁。

粗腳仔朱千雪,當晚偕父母及年約25歲胞妹往太古城dinner,全程一家勁好傾。

Tracy照顧好母親上車後,才負責做司機揸車走人。