比賽最重要不忘初心 許靖韻自爆每次比賽緊張到腳震

Angela直認沒有解決辦法。

許靖韻（Angela）日前為內地音節目《2019粵語好聲音》擔任嘉賓，並演唱《不如告白》及《歲月如歌》兩首歌曲。

擁有豐富比賽經驗的Angela，在節目中跟參賽者分享自己過往的比賽經驗，表示唱歌最重要的是不忘初心，記住自己初開始唱歌時的心態，才能把歌曲演繹得最好。她又搞笑說，其實不論比賽多少次，都難免會緊張得腳震，並直認沒有解決辦法，「你叫佢唔好緊張，其實佢都係咁緊張㗎咋！」

除了奔波各地拍攝節目外，Angela亦要為在下月23日，於九展Music zone舉行的「許靖韻《My 25 Live》」個人演唱會將排練，「如果唔係要錄節目嘅話，就會抽時間練歌、練舞，準備演唱會，但好彩之前都有Keep住排練，所以而家我喺內地錄節目就自己練吓歌，希望演唱會大家會滿意我嘅表現啦！」

許靖韻日前於廣州中山紀念堂展開巡迴音樂會，叫好叫座，全場爆滿，其全新廣東作品《望年月》亦於今日（4月18日）上架。

許靖韻（Angela）透露歌曲是於疫情時創作，「由伍卓賢作曲，周耀輝填詞。當時見到身邊好多朋友、或者朋友嘅朋友，都經歷緊一啲生離死別，所以就有咗《望年月》嘅歌詞、主題同諗法。」

Angela推出全新廣東作品《望年月》。

觀看相關影片按連結：https://youtu.be/aJtWZ1eTpus?si=ECQ-CPouDJDHa2bZ

新歌有別於Angela以往的的曲風，這次帶有小調的玩味，亦是Angela一直想嘗試的曲風。由於首次演繹小調，所以這次花了不少時間於錄音室中，Angela坦言感到困難，「首先我把聲連講嘢都係比較大聲，唱呢種曲風嘅歌係要有一種好想釋放，但係又要忍住嘅一種感覺，對於我嚟講係最難處理，所以錄音嘅過程我係好沮喪，因為覺得自己唱唔好。」後來多得合作無間的監製廖志華「導航」，「阿華好好，同佢識咗好多年，佢亦都係睇住我大，成個過程佢係好鼓勵我，冇俾到壓力我，令我成個錄音過程都可以好做到自己之餘又唱到首歌嘅感覺。」

Angela一直想嘗試小調的曲風。

不過Angela坦言這種曲風很困難，錄音的過程令她好沮喪。

除了首次演繹小調歌曲，Angela另一個獻出了另一個第一次，就是穿旗袍，「今次MV比較復古，同埋我每一個造型都會着旗袍，其實都係另外一種嘅『未試過』。」在造型上，Angela跟化型師、化妝師都經過很長時間的討論，拍MV的前一日，Angela仍然是橙金色的髮色，「然後一夜之間我哋用咗一個方法變咗而家大家見到比較深色嘅髮色，去配合返成個MV造型。同埋我哋由琴晚凌晨兩點開始到而家，已經拍咗over十二個鐘，所有工作人員及身邊團隊都非常之辛苦，所以大家真係要去睇MV呀。」

今次亦是Angela第一次穿旗袍。

為了配合造型，髮色亦由橙金色變成深色。