*

upload_article_image

瑜伽、做Gym雙料修身 超雲晒索腿陪三太買金器

超雲越來越Fit!

賭王三房的28歲龍鳳胎超蓮和胞弟猷啟都已封盤,唯獨30歲超雲感情好dry。她自2013年初與陳山聰兩年情玩完後一直單身,近年更變身宅女,平日生活不外乎工作、樂做貓狗奴、閒時做孝順女陪媽媽購物,及兩母女去街市買餸煮飯等,但超雲好enjoy宅女生活,今年2月30歲生日時更興奮話「好開心,快樂中女一個」!

網上圖片

今年2月,猷啟自揭同內地女GiGi已婚一年,更驚爆秘密生女,月前太太再度佗B女,預產期為下月。

猷啟囡囡Tittania已歲半,上月頭一家三口齊齊出活動。

而舊愛山聰近日憑話題劇集《金宵大廈》被網民捧做視帝,亦即將做人夫,將於下月1日將迎娶圈外女友Apple。早前山聰接受訪問時,問到會否感激前度超雲?他答得很小心,「我感激由出生至今認識嘅每一個人。」

陳山聰將於下月1日將迎娶圈外女友Apple。

 

日前,生活極之低調的超雲在社交網站分享做運動短片,片中素顏的她做gym拉背,又做瑜伽等,積極操fit體型。同日下午4時,超雲出關陪媽媽行中環買金器。當日見淡妝超雲穿上灰tee配熱褲,晒長腿好吸睛。再減磅的她身形好薄,手幼腳幼,腰圍目測未夠24吋,身材媲美近日晒fit爆水着照的胞妹超蓮。

超雲喺社交網分享做Gym短片,拉背後又做出多個屈曲拉筋動作,坦言「好累」。

僅搽薄粉底出街嘅超雲,皮膚嫩滑。

超雲和三太購下嘅金器,離遠都見到係個約一蚊硬幣大嘅金吊墜及粗金鏈,出手闊綽。

兩母女在英皇珠寶主攻看金飾,見她們同店員聊了兩句,職員就拿出幾件金頸鏈及吊墜給她們挑。二人有商有量,好快就看中一個金吊墜和一條金鏈。似是送給即將出世的猷啟B女做禮物。逗留約廿分鐘,三太碌卡找數,二人齊齊離開上車。超雲沿途微笑散發仙氣,親切有禮。

兩母女企喺度揀咗十分鐘就睇中兩件金器。

高大嘅超雲勤做運動後,骨架都變細,呢日見佢件鬆身tee下只有纖薄身形,手幼腳幼並晒出小蠻腰。