*

遠赴俄羅斯海參崴拍MV 馮允謙:全靠《山旮旯》

Jay表示推出《山旮旯》時就計劃要揀一個山旮旯地方拍MV!

馮允謙(Jay Fung)新專輯以旅行為主題,一向喜歡旅行的他終於如願以償,遠赴俄羅斯海參崴為新歌《尋找白金漢》拍MV。

馮允謙遠赴俄羅斯海參崴拍MV。

馮允謙

今次到俄羅斯取景,全因為之前另外一首作品好帶挈,Jay說:「《尋找白金漢》嘅旋律兩年前已經寫好,依家終於遇到適合時候,由Wyman填詞,周錫漢監製。因為Wyman之前寫俾我首《山旮旯》好多人鍾意,當時就計劃要揀一個山旮旯地方拍MV,結果搵到一個比較唔算係旅遊熱點,而風景好靚又特別嘅地方,就係俄羅斯海參崴!」

馮允謙

 

 承接上一首歌《Full Moon Party》MV最後,Jay邀請女主角一齊去旅行慘食檸檬,所以這首歌MV講他獨自出發,「呢首歌歌詞係講一個男人瘋狂咁愛一個女仔,但對方比較現實,追求物質,雖然個男仔無錢,但佢仍然痴痴咁等呢個女仔回心轉意,而MV就講我一個人嚟到俄羅斯,遇到一個同分手女友好似樣嘅女仔。」

馮允謙

除了在金角灣大橋、鷲巢瞭望台、斯維特蘭大街等名勝打咭,在Carousel遊樂場坐上機動遊戲拍攝之外,Jay與MV女主角Emma遊電車河,還在海參崴最南端的托卡內夫燈塔前浪漫自拍。鏡頭後,Jay爭取時間到俄羅斯娃娃的手工藝店,又跟市集檔大叔以傳統方法用大鎚「打」造錢幣,非常盡興。

馮允謙

馮允謙與MV女主角Emma

馮允謙與MV女主角Emma