*

upload_article_image

拒絕老公客串《愛.回家》 湯盈盈:佢要湊女呀!

原來平日係錢家樂負責湊女~

TVB處境喜劇《愛.回家之開心速遞》一眾演員湯盈盈、呂慧儀、蘇韻姿、林淑敏及許家傑等今日(24日)出席哈佬喂活動,盈盈被單立文畫成「Joker」。會上還宣布劇集由明年1月4日起,星期一至日均會播放。

活動中有萬聖節裝扮環節,湯盈盈被單立文化咗個小丑妝。

對於劇集將於明年一月起每日播映,盈盈表示稍後會好忙,而女兒亦不用睇my TV SUPER重溫,可以睇電視直播。問到想不想老公錢家樂客串演出?她說:「唔好啦!佢要湊女呀。」談到萬聖節快到,盈盈表示今年會帶女兒提早跟朋友開Party,更搞笑謂會保持面上的小丑妝容。

湯盈盈提到以前可以帶女兒入廠,現在不能所以女兒也問她為何無得入公司。

網上圖片

而呂慧儀提到以後一星期開足七日工,希望之後有更多演員加入演出,而佢最想邀請到鄭伊健,「因為佢同張景淳好似樣,可以扮演兩兄弟。」至於日後忙拍劇,她坦言照顧小朋友時間相對減少,但都不會帶兒子到公司一齊開工,因為現時手續好麻煩。

兩位媽媽在活動上玩得好開心。

網上圖片