*

upload_article_image

JW唔怕生仔「又貴又痛」 盼30歲前最少生兩個

想做多仔婆

JW(王灝兒)、賭王千金何超蓮、丁子高和薛凱琪(Fiona)齊錄影TVB節目《娛樂大家》,何超蓮早前到加拿大與男友竇驍見家長被指好事近,其弟何猷君剛宣佈榮升做爸爸,但超蓮事前表明不接受傳媒訪問。

JW希望組織大家庭。

再次參與該節目的丁子高,表示今次原班人馬上來再玩一次,他稱讚超蓮好厲害,而公認為最蠢的JW則大有進步,他解釋:「試玩時JW話自己好人,其實係壞人,正式玩時要小心佢。」問他點解唔叫太太楊千嬅一齊參與時,他稱太太忙於巡迴演唱會,下星期又為電影《麥路人》往日本出席東京電影節,屆時他會跟太太會合,他亦又爆囝囝Torres投訴很少時間見到千嬅!

丁子高大爆兒子Torres對太太千嬅有微言。

對於被丁子高大讚有進步,JW笑言有跟朋友玩過,更自認資質好又聰明,只後悔試玩時暴露了真相,相信正式時會很快被踢出局。提到好友超蓮見男友家長,JW直言超蓮是好sweet的女生,替她開心搵到好男友。對於猷君榮升做爸爸,JW表示在社交網得知消息,並發覺身邊朋友近年都想生BB。問她想做媽媽嗎?JW說:「我覺得我會做媽媽,以前想有大家庭,生六個儲成隊球隊,但原來生BB又貴又痛,不過最少都會生兩至三個,亦希望喺30歲前做到啦!」

何超蓮被指早前隨竇驍到加拿大見家長。

(右起)丁子高、何超蓮、薛凱琪和JW等,錄影TVB節目《娛樂大家》。