好刺激！
一年一度萬聖節，又係大家扮鬼扮馬、或者去探險嚇自己的日子。何珮瑜就趁住這個節日來試試自己的膽量，去跟喪屍開party！
何珮瑜。
為了挑戰膽量，何珮瑜（Jeana）早前到「生化危機驚慄體驗館」跟喪屍近距接觸，親身體驗歷險旅程。初次體驗體驗館Jeana，雖然跟女助手、髮型師同行，但她驚到一手攬實女助手邊行邊叫，另一隻手扯實髮型師的衫尾，似足三胞胎連體嬰慢速而行。最爆笑是Jeana發現有喪屍時，她說：「畀條路嚟行吓啦！」經過這次驚嚇體驗後，Jeana笑言愈多人入場一起玩更好，並提議大家帶個公仔攬實入場館玩，起碼手上有公仔遮擋視綫不會太驚；又大讚館內的音效十分好，而且布置很逼真。她說：「最自私同最開心，入去時自己夾在中間前後都有人在我身邊！哈哈，咁就無死啦！」
何珮瑜。
Jeana透露曾到日本富士急樂園以醫院為主題的四層樓鬼屋玩，雖然十幾人同行，但一樣感覺好驚嚇：「鬼屋的布置好完善，搞到我驚到癲咗！我記得入去時，有把聲說話，我們成班朋友坐在木凳排排坐，突然間排凳跌咗落去，全部人個樣嚇到呆！大家被場內攝影機影相，捕捉到最驚嚇表情。」
Jeana拖着女助手壯膽，在驚慄體驗館內狂奔。
Jeana覺得看驚慄片能夠紓緩壓力，亦是她最大的娛樂，尤其喜歡晚上獨自欣賞，所以看到已經不會驚，唯一一次是看韓國電影《一千零一夜魘》嚇到大叫。問她可想演出鬼片，她直言有點抗拒，因為擔心演出後會疑神疑鬼，所以寧願做打女揸槍嚇人，起碼感覺有型：「我好享受拍打戲，好似儲埋的火一次過爆發出來。雖然拍打戲都驚打到甩皮甩骨內傷，不過無兩全其美㗎！如果好鍾意想挑戰，就要捱得起。」
何珮瑜。
Jeana話最鍾意係軍事訓練課程！
何珮瑜（Jeana）最近密密進修自我增值，繼早前學習古典舞、書法及古琴，最近她趁不用開工的日子便飛到北京，參加由成龍創立的「成家班」所舉辦的武術訓練班。
Jeana最近飛到北京，參加成家班的武術訓練班。
問到是否轉「打女」路線？Jeana表示現在很喜歡不停學習新事物，這類型的訓練班對於肢體動作、四肢協調及集中力都很有幫助，「我覺得喺呢方面不停鍛鍊，對做任何戲都有幫助，係好嘅，冇話特別要向『打女』方向發展，但自己都鍾意，自己鍾意又有機會可以練多啲、學多啲。」
Jeana表示很喜歡不停學習新事物。
而武術訓練班對於肢體動作、四肢協調及集中力都很有幫助。
Jeana透露這次上了三個課程，包括：拳術、劍棍及軍事槍械訓練，歷時一個多月，自己最愛軍事訓練課程，「之前拍攝都有接觸過、練過，呢方面有個底，所以學起上嚟會比較得心應手。軍事訓練講求teamwork，譬如一個部隊點樣去攻入一個危險嘅地方，全部都係靠團隊嘅精神，期間需要同學員有好多交流溝通，加上教官又會講好多訓練以外嘅嘢，刷新咗自己好多嘅認知。」
課程有劍棍。
好型！
仲有軍事槍械訓練。
Jeana做得有板有眼㗎！
訓練期間，Jeana亦謂發生不少趣事，她笑說：「教官教我哋如果突然間俾人掟手榴彈，第一時間頭要向外、向出面方向爬喺度，同埋點樣爬。之後訓練緊第二個項目嘅時候，佢突然間掟個手榴彈出嚟，哈哈，我哋全部嗌晒，然後就做佢教我哋嗰個動作，大家都冇睇頭尾就咁爬咗喺度，嗰一吓全部人膝頭瘀晒！之後大家就喺個group度share啲相，好搞笑！」
Jeana話訓練期間發生不少趣事。
教官突然向佢地掟個手榴彈。
由於訓練時長，加上Jeana住的地方遠離訓練營，為了全程投入訓練及爭取休息時間，Jeana索性搬到訓練營旁邊的酒店，「好多同學係外國人，佢哋專登喺唔同地方飛過嚟上堂，都係住喺附近酒店，我覺佢哋好有heart。」經過今次訓練，Jeana對深切體會到「動作指導」的艱辛，「『武行』付出嘅汗水真係不能想像，我哋只係速成班，但都經常扭傷、撞瘀，佢哋係練咗幾廿年，所以係好犀利！」
經過今次，Jeana深切體會到「動作指導」的艱辛。
Jeana好多同學都係外國人。
