把握最後數月二人世界 許亦妮夫婦大嘆西班牙菜

好大對眼。

許芷熒（前名許亦妮）與老公Alexander Fung婚後1個月就宣佈佗B喜訊。一對準爸媽好珍惜最後數個月的二人世界，拍拖外出吃飯，真是恩愛到滿瀉。

二人坐巴士回家。IG

二人坐上巴士二層，許芷熒覺得好浪漫。IG

許芷熒在IG上載多張當晚二人晚飯的照片。許芷熒留言指，自與老公相識後都好少出街，拍拖時候的節目就是在家一起煮飯，睇電視。現在BB就來出世了，所以把握幾個月的二人世界，出來拍拖。不過她覺得最緊要是二人可以一齊，已經是最快樂。

大肚許芷熒。IG

勁嘆西班牙菜。IG

當日兩夫婦拍拖去食西班牙菜，大肚許芷熒自嘲食量驚人，老公都嚇了一跳：「我一個人可以食成個西班牙海鮮飯，老公批准可以飲少少紅酒，太開心了。食完飯慢慢散步行去巴士站等巴士。」然後兩夫婦坐巴士返家，二人坐上巴士二層，許芷熒就話這樣好浪漫，「可以一路睇風景，我覺得咁樣拍拖好浪漫。 還有是第一次同馮寶寶坐巴士呢！等天氣再涼啲可以拍拖坐叮叮。」最好更多謝她的私人攝影師，全晚幫她影了好多相，「多謝老公幫我同馮寶寶影嘅每一張相！You Are The Best Photographer。」

許芷熒與老公珍惜最後數個月的二人世界，拍拖外出吃飯。IG

許芷熒跟老公勤力密密「造人」！

2011年港姐季軍許芷熒（前名許亦妮），於2019年9月她跟圈外男友Alexander Fung結婚，婚後育有一對子女，婚後專注家庭。今日（1月4日）許芷熒於IG報喜，宣布第三度懷孕，四年抱三！

許芷熒產子不足半年，宣佈極速懷第三胎。

四年抱三！

許芷熒晒出一家四口合照，老公以及大女指著其肚皮，相片裡寫道：「Can’t believe I am going to be a mom of 3.（難以相信我將成為三孩之母）細佬BB五個幾月，小小B在我肚裏3個幾月。」，另外許芷熒晒出超聲波照片。

許芷熒分享揭發有喜經過：「某日老公買了早餐返屋企俾我食，我食完仲話肚餓，又叫外賣，跟住佢同我講: “老婆，你係咪有咗？點解你食咁多野既？”然後我就話：”點會呀，啱啱生完，點會咁快又有咗啊？”」後來仔細一想月事確實仍未到，於是許芷熒即刻去買驗孕棒驗一驗，而結果：「真係好驚喜，係兩條線」，「我第一個反應係流眼淚，因為啱啱生完細佬BB，仲甩緊好多頭髮，啱啱紮完肚，修完身，又要再嚟過？完全未有心理準備再生一個。當刻我真係晴天霹靂。WhatsApp 醫生同佢講我又有咗，佢嘅反應係：『好勤力喎』。」

去年7月中，許芷熒才宣布為圈外老公誕下細仔。

她又笑指大女好似有預知能力：「喺2023年7月我生完細佬BB 時，家姐BB去醫院探我時已經同我講：”Next Year I will have a 妹妹!”當時只係覺得她是隨口說說，原來家姐都有預言能力哦。」疑似透露了今胎是陀B女。

許芷熒坦言沒預料再度懷孕。

另外去年12月中，剛陀B的許芷熒感染新冠肺炎，不過她只服食過兩次止痛藥，只因不希望藥物影響胎兒，她說：「幾辛苦都要忍住」，足見母愛的偉大！