Shirley一踏入房間，就有一大堆彩帶飄落。

昨日「牛一」的香港總商會行政總裁袁莎妮（Shirley），下午忙完一年一度商界聯席午餐會後，原本以為晚上與老公王維基（Ricky）二人世界，誰不知Ricky為她籌備驚喜生日派對，更送上香吻同熊公仔。派對上有新聞人物唐英年、「薯片叔」曾俊華、「田大少」田北俊等名人好友，場面熱鬧！

Ricky原本打算帶Shirley到君悅酒店食足重八両大閘蟹，但忽然轉場，當Shirley一踏入房間，就有一大堆彩帶飄落，Ricky不單止安排生日蛋糕，更有一支9公升大香檳，慶祝太太生日，再送上兩隻半個人高的熊公仔，二人合照一刻，Ricky更錫了Shirley一啖，夠晒浪漫。

Ricky在商界素有「魔童」之稱，但面對太太，卻變成「柔情魔童」。兩人去年10月入紙申請註冊結婚，雖然未有透露結婚日期，但Ricky曾經自爆求婚過程，指自己當時在飛機上，以機上電話向袁莎妮求婚，過程90分鐘，成為「超貴求婚電話」。

Kelly數數手指，兩人正值結婚一周年，難怪要叫齊好友大事慶祝！