*

upload_article_image

高中輟學因專注力不足 王敏德考機師牌彌補遺憾

Michael直言花了三年時間來為考取商業機師執照。

由陳慧珊(Flora)親自監製及主持的節目《放學後》,最新一集邀請到王敏德(Michael)擔任嘉賓。作為三子女爸爸的Michael,剖白了在單親家庭成長的故事,如何在種族歧視、學習困難等逆境中,發揮自強不息的精神。

王敏德為陳慧珊主持的節目擔任嘉賓。

身為中、法、荷蘭混血兒的Michael在節目中透露,自小父母離異,並在欠缺安全感的環境下長大,「我喺紐約州首府柯巴利長大,附近一個中國人都冇。香港人、中國人會覺得我係西洋人;但美國嘅白人認為我係中國人,所以學校嘅人會畀種族歧視嘅花名你。14歲升高中時,我哋搬到加州一個小鎮,學校入面得我同哥哥Russell兩個中國人,好彩我哋有運動天分,令隊伍成日勝出,所以好受歡迎,否則一定會被人睇唔起。」

王敏德在陳慧珊節目中剖白成長故事。

Michael表示在學習上也遇到困難,「年輕時我唔鍾意讀書,高中就輟學,我覺得我喺學習時太急進、太緊張。我記得有個朋友嘅媽媽話我專注力有問題,其實佢算係講中咗。」這些年,他靠學鋼琴、高爾夫球和直升機來鍛練自己的耐心、恆心和決心,他坦言:「我學揸直升機,係有啲補償作用,因為我冇讀過大學,但揸直升機係要學好多科目,例如氣象學、領航術、航空法律同人體工學等等。」

網上圖片

Michael提到考取商業機師執照時都好辛酸,「要學直升機都要去美國、英國同澳洲學,然後喺當地考取執照,我喺14個考試中通過咗13個,但『電子自動導航』呢個我總係唔合格,我考過好多次,只係為咗全部通過。本來我以為會放棄,但最後都成功咗,整個過程足足花咗24個月,我為商業機師執照用咗3年時間。當我攞到呢個執照時,算係補償我年輕時冇畢業,增加番我嘅自我認同。」

王敏德為考取商業機師執照花了3年時間。

而家人從來是Michael最強大的後盾,他因為工作,錯失與家人相處的時間,令他常常產生歉意,尤其覺得唔夠時間陪兒子王躍穎(Kadin),所以會帶Kadin到湖邊傾偈,Kadin亦向父親深情告白:「作為你個仔,我好想借呢個機會多謝你。」二人亦透過分享魔術小道具,展開了父子間最窩心的對話。

王敏德與太太馬詩慧育有大女曼喜(左)、二女麗嘉和細仔躍穎。

一家人感情好好,成日有家庭聚會。

為增進感情,王敏德會帶兒子到湖邊傾偈。