閃到爆炸。
今年初，擁有逾73萬follower的KOL界人氣女神倪晨曦（Elva）宣佈明年二月下嫁拍拖兩年、從事金融業的圈外男友V先生，正式封盤。準新娘表示最愛未婚夫能給予安全感，對她又好千依百順，絕對是「愛妻號」。至於32歲的Elva講明婚後繼續做嘢，生BB遲啲先，老公無意見總之乜都就晒老婆，好閃呀。
點擊看圖輯
閃到爆炸。
Elva當日穿上Dorian設計的婚紗時，坦言好期待大婚日子。
Elva原定婚期於本年尾，但因book唔到場地要押後至明年2月底舉行，行禮、註冊和婚宴全在香港搞掂，她表示現與未婚夫開始籌備婚禮，問是否由她揸fit？Elva表示她一早揀好晒所有嘢，例如場地主題、佈置和鮮花等，如果過程中遇到難題，未婚夫就會出手解決。與未婚夫拍拖兩年，雖然時間不算太長，但已很了解，她說：「啱啱拍拖時都有少少爭拗，可能相識時性格唔係最夾，但呢兩年相處得好已經好了解。」
讚未婚夫細心
熱愛瑜伽的Elva，明年大計是開瑜伽館並會親自教授。
Elva婚後會繼續她KOL的工作，有機會她也想拍戲挑戰不同角色。
做嘢先唔生住
Elva形象健康，充滿陽光氣息。
Elva身形勁fit，穿三點式全無贅肉。
窈窕的Elva，一對長腿令港女們非常葡萄。
lva不時在社交網分享泳裝照。
Elva講起未來老公V先生就笑到見牙唔見眼，夠晒甜蜜幸福！
Elva當日穿上Dorian設計的婚紗時，坦言好期待大婚日子。
Elva原定婚期於本年尾，但因book唔到場地要押後至明年2月底舉行，行禮、註冊和婚宴全在香港搞掂，她表示現與未婚夫開始籌備婚禮，問是否由她揸fit？Elva表示她一早揀好晒所有嘢，例如場地主題、佈置和鮮花等，如果過程中遇到難題，未婚夫就會出手解決。與未婚夫拍拖兩年，雖然時間不算太長，但已很了解，她說：「啱啱拍拖時都有少少爭拗，可能相識時性格唔係最夾，但呢兩年相處得好已經好了解。」
今年4月，Elva與老公到玻利維亞的天空之鏡影婚照，嚟緊還想到韓國影多輯。
讚未婚夫細心
談到honeymoon地點時，Elva顯得好頭痕：「結婚好多嘢搞好煩，完晒先再諗。」問未婚夫最想去邊？她即笑言：「佢冇㗎！（你話晒事？）係吖！」Elva續稱最欣賞未婚夫好孝順，續說：「佢好錫屋企人，（佢好似照顧屋企人咁照顧你？）係吖，同佢一齊好安心，好似去旅行我唔鍾意plan好多嘢，但佢係做足10分嘅功課，之前去玻利維亞影婚紗相，佢搵咗好多資料，諗好晒schedule，真係好細心！所以同佢去旅行我乜都唔使做，淨係搵啲地方影吓靚相就得。」
去年除夕，Elva在社交網公告喜訊，po出男友V先生趁她到巴黎工作突然跪地求婚片段，搞到她又喊又笑。
熱愛瑜伽的Elva，明年大計是開瑜伽館並會親自教授。
Elva婚後會繼續她KOL的工作，有機會她也想拍戲挑戰不同角色。
做嘢先唔生住
未婚夫如此寵愛，Elva婚後可以做少奶奶，她卻說：「我係工作狂，一定會繼續工作。」她表示出Trip做嘢都冇問題，但時間只限於一星期，如果多過一星期，會叫另一半飛去當地陪伴。她表示老公是百分百支持她工作，但當然她都要畀多啲時間喺屋企，問她愛做「煮婦」嗎？茹素兩年幾的她笑言：「喺屋企淨係煮素食，如果佢想食肉就要出街食。」問到婚後會否隨即展開造人大計？她笑笑口：「隨緣啦，呢樣嘢係個天賜畀你嘅。」她指生BB心急唔嚟，反而嚟緊大計是開瑜伽studio，她說：「我做瑜伽都有6年，考咗牌都有教人，早前同朋友傾開，大家想夾份開間studio，希望忙埋婚禮後，明年可以成事！」
早前Elva應時裝設計師何國鉦邀請，出席其於如心海景酒店舉行的夢幻婚宴嘉年華記者會。
Elva形象健康，充滿陽光氣息。
Elva身形勁fit，穿三點式全無贅肉。
窈窕的Elva，一對長腿令港女們非常葡萄。
lva不時在社交網分享泳裝照。
