三平台自由出入 黃淑儀否認有「江湖地位」

GiGi姐德高望重啊～

72歲黃淑儀（GiGi姐）獲樂易玲邀請簽邵氏一年，在myTV SUPER上架播放她自製的烹飪節目《Gi味俱全》。自從今年1月約滿無綫後，GiGi姐過檔ViuTV，稍後又跟陳倩揚合作為香港開電視做綜藝節目。能夠在三個平台自由進出，連無綫都肯放行，足以證明GiGi姐的身份。對此，GiGi姐馬上耍手擰頭及否認有江湖地位：「千祈唔好咁講，煮嘢食都係殊途同歸。」

GiGi姐去過ViuTV又去過香港開電視，而家又返去TVB。

早於2014年前，GiGi姐主持TVB《吾湯吾水》爆紅成為煮食icon，《名人廚房》、《住家廚神》、《吾淑吾食》等陸續有來，做到手軟。連樂易玲都不放過這個已離巢「寶物」，馬上拉返她入邵氏，更容許她撈過界。

GiGi姐主持TVB《吾湯吾水》爆紅，而成為煮食icon。

GiGi姐好多謝樂小姐欣賞她的節目：「《Gi味俱全》每集15分鐘煮一個餸，針對每個餸會有詳盡講解同埋畀小貼士。」她曾出過十四本烹飪書，創意食譜多到不得了，所以經常留在家中分類和做整理：「愛上廚房後會好多唔同玩法，尤其知道食材性質後，煮法可以有好多變化，做咗烹飪節目後使命感重咗，我唔會俾框框限死自己，盡量發掘新嘢，如炆咗幾十年豬肉，突然試吓加入鎮江香醋，原來出嚟食法好唔同，老公唯一投訴話，請客就唔好試新嘢，但我堅持請得入屋食飯全部係好朋友，應該唔會介意。」

GiGi最近喺公立醫院接受全膝人工關節置換手術，術後老公徐景清、兒子徐肇平及女友去探病。

節目中GiGi姐沒打算請嘉賓幫手試食：「除非叻過我嘅專業廚師就話可以互相切磋啫，試食咁就好無謂，因為點都有讚冇彈，其實我好怕喺鏡頭前食嘢，除肥姐外，我覺得冇一個藝人食相會好睇，肥姐食得到嗒嗒聲好滋味，而且食住講嘢會好無儀態同禮貌。之前拍劇有食飯戲好辛苦，鏡頭前變咗你夾畀我，我夾畀你，食住飯講對白會噴到周圍都係，食物又可能黐喺牙罅度，我拍親都會耍手擰頭叫導演唔好。當年做大Show司儀要試食大廚嘉賓作品，嗰次我食完就避開鏡頭。」

十年前拍《巴不得爸爸》時GiGi姐開始有腳患問題，當時工作太忙未能接受手術。

喺公院期間最尷尬係TVB下午重播《巴不得爸爸》，當時劇中角色大吼一聲：「喂！樓下閂水喉吖！」其它病人及醫護即時望住她，喺牀上的她想搵窿捐。

Gigi姐屋企個客廳超寬敞！

現年73歲的黃淑儀（Gigi姐）近年過半退休生活，甚少再在幕前演出，間中加拿大和香港兩邊飛，見見朋友聚會，生活過得悠閒愜意。近日黃淑儀展現一身好廚藝，設宴招待多位好友在家中聚會，包括高志森、冼國林、編劇林超榮及其妻專欄作家屈穎妍等。

黃淑儀近年過半退休生活。

黃淑儀享受家庭生活。

黃淑儀曾經歷婚姻失敗，遇上現任丈夫徐景清後，為對方誕下兩子，二人結婚40年非常恩愛。

黃淑儀自數年前接受全膝人工關節置換手術後，已甚少再拍劇。

黃淑儀於2019年拍完《好日子》後，已無新劇推出。

黃淑儀鍾意煮嘢食，亦想品嘗北京特色小吃。

其中高志森就在微博分享照片透露：「開心的飯聚～感謝黃淑儀小姐設宴款待！Gigi姐邀請我到一個高質量既（嘅）舒服又美味的家宴。您的廚藝頂瓜瓜尤其是烤乳豬，馬拉好味牛坑腩，及欖角醬雞蛋炒飯。Yummy！」雖然照片打上薄格，卻仍見到黃淑儀的豪宅環境，當中的飯廳更是超級闊落。

高志森貼出飯敍照片。

高志森貼出在黃淑儀豪宅內品嚐家宴的照片，見到飯廳有一張超長飯枱，環境十分闊落，容納逾10人都是問題。開放式廚房的設計，亦可方便她下廚時，可繼續與朋友談天說地。今次飯敍除高志森外，更見到與他曾拍拖21年、於2020年宣布分手的焦媛，二人表現親暱，未知是否已復合。而高志森與焦媛於4月中曾現身戲曲音樂劇《冼夫人》及《媽祖》記者會，二人再度攜手擔任總導演及導演，合作無間。

黃淑儀的廚房以開放式設計，方便她下廚時與人交談。

黃淑儀在家中設宴，見到飯廳十分闊落，超長飯枱可招待逾10人。

高志森與焦媛表現親暱，未知是否已復合。

黃淑儀與高志森合照。

高志森與焦媛合作無間。

焦媛愈來愈瘦。

黃淑儀跟高志森和焦媛合作《伴我同行》，取得佳績。

Gigi姐和焦媛首度合演，兩人都大讚對方出色。