*

upload_article_image

漏口風造人成功? 羅仲謙交老婆公布喜訊

難挽喜悅~

羅仲謙和岑麗香今日出席珠寶品牌活動,上月12日謙謙與太太楊怡結婚3周年,謙仔恨生仔恨到出口,活動上他趁機向香香取生仔經,想問如索媽如何可以生到仔?語畢,又笑說沒理由向女人請教如何生仔呢。而接受訪問時,謙仔漏口風似快將報喜。

活動上謙謙想請教索媽香香點可以生到仔,但一開聲就有啲尷尬喎,所以忍唔住笑咗出嚟。

羅仲謙話喜訊留待太太公布。

最近謙仔忙無線新劇《木棘證人》,上月結婚3周年也未能慶祝。問到稍後會否出埠補祝順道造人?他卻說:「唔使喇,要造人屋企都可以造得到。」言下之意是否已成功造人,所以太太要留在家中安胎?他避談道:「就算係成功都唔會講住,要3個月後先可以講。(咁係咪快將有喜訊公布呢?)唔知......要問太太。」繼而扯開話題稱因開工已30多個小時沒跟太太見面、好陰公,稍後又要到內地拍劇2、3個月,酬金更相當吸引。幸好是到廣東省地區,問到期間可會趕返爭取和太太見面機會,爭取造人成功率?他大笑說:「不過返到香港都攰,仲邊有力氣造人。」話雖如此,他堅持搵食、生B兩方面都要取得平衡,搵食同時、生B計劃都要實行,太太不肯給他停工專心造人,笑言楊怡會用腳踢他快出去搵錢,搵定奶粉錢先,又笑言太太如半個經理人,會幫他衡量工作和價錢是否值得去做。

今年8 月 30 日 楊怡40歲時,謙謙跟她出外吃飯慶祝時,阿怡未見有孕味。

楊怡媽咪上月生日,阿怡仍未見肚。

提到他跟張秀文拍《木》劇期間傳緋聞,令楊怡親身探班監場,謙仔否認傳聞,形容得啖笑,強調太太只到場一次,並且只打個招呼沒有落車,因為楊怡好好信任他,況且最貼身的助手都是她的人,所以就算身痕只可以自己,或者叫太太,總之不可搵第三個人,因為沒有越軌的心,就不會有這方面的壓力。