互笠高帽
衛詩雅和林德信（Alex）最近在「香港亞洲電影節」開幕電影，以前「包山王」、攀石運動員黎志偉真人真事改編的《獅子山上》中，首度合演夫妻，雖然兩人第一次有大量感情戲，但出奇地有默契。詩雅大讚導演選角出色，縱然角色有婚外情，但因Alex有種魅力令人「嬲佢唔落」；而Alex就讚詩雅精湛演技，令他感動到流下男兒淚。
點擊看圖輯
互笠高帽
詩雅和Alex都覺得對方是個好易溝通的對手，都想繼續合作。
詩雅和Alex雖然拍攝前未聽過黎志偉的故事，但知道後都大讚對方意志力好驚人，飾演對方角色的Alex感受更強烈，「我唔敢諗自己如果好似佢咁遇到交通意外，搞到半身不遂，可唔可以好似佢咁有毅力，去完全自己嘅夢想，但我都係比較正面諗嘢，呢個故仔係一個好好嘅訊息，話畀人聽遇到困難一定要夠正面。」
Alex拍攝爬山戲份相當考體力，特別這場扮爬獅子山，全程要吊在半空演出。
講到初次合作，詩雅和Alex都覺得溝通得好好，Alex仲大讚「老婆」演出令他感動，「有場戲講我哋喺床度傾偈，佢講咗句『如果有下世，我唔會再揀你！』聽見真係好心酸，我都忍唔住好自然喊咗出嚟。」戲中演Alex太太的詩雅，明知他有外遇，依然為他生仔，仲不離不棄撐起成頭家，詩雅自問本身愛恨分明得多，「佢個角色，其實係個好自私嘅男人，佢無論愛情、家庭定事業，咩都係諗自己先，如果我係佢太太，發現有第三者就一定忍唔到，可能會帶埋個仔走都未定。不過導演選角好好，Alex有個特質就係做唔好嘅嘢，都嬲佢唔落，觀眾唔會憎咗佢。」問到現實中Alex會如何抉擇，他直言一定會揀番老婆，「唔鍾意就唔會結婚啦！」仲話好鍾意小朋友，將來都想做老竇，但依家仲未搵到對象。
日前兩人跟故事主人翁兼監製黎志偉（右二）及導演梁國斌（右一）等，出席「香港亞洲電影節」首映禮。
詩雅和Alex都是首次演父母角色，對他們是一大挑戰。
詩雅和Alex都覺得對方是個好易溝通的對手，都想繼續合作。
詩雅和Alex雖然拍攝前未聽過黎志偉的故事，但知道後都大讚對方意志力好驚人，飾演對方角色的Alex感受更強烈，「我唔敢諗自己如果好似佢咁遇到交通意外，搞到半身不遂，可唔可以好似佢咁有毅力，去完全自己嘅夢想，但我都係比較正面諗嘢，呢個故仔係一個好好嘅訊息，話畀人聽遇到困難一定要夠正面。」
詩雅在戲中有不少感情戲，自然離不開要喊。
Alex拍攝爬山戲份相當考體力，特別這場扮爬獅子山，全程要吊在半空演出。
講到初次合作，詩雅和Alex都覺得溝通得好好，Alex仲大讚「老婆」演出令他感動，「有場戲講我哋喺床度傾偈，佢講咗句『如果有下世，我唔會再揀你！』聽見真係好心酸，我都忍唔住好自然喊咗出嚟。」戲中演Alex太太的詩雅，明知他有外遇，依然為他生仔，仲不離不棄撐起成頭家，詩雅自問本身愛恨分明得多，「佢個角色，其實係個好自私嘅男人，佢無論愛情、家庭定事業，咩都係諗自己先，如果我係佢太太，發現有第三者就一定忍唔到，可能會帶埋個仔走都未定。不過導演選角好好，Alex有個特質就係做唔好嘅嘢，都嬲佢唔落，觀眾唔會憎咗佢。」問到現實中Alex會如何抉擇，他直言一定會揀番老婆，「唔鍾意就唔會結婚啦！」仲話好鍾意小朋友，將來都想做老竇，但依家仲未搵到對象。
Alex笑言戲中演兒子的小演員太活潑，合作時有一定難度。
日前兩人跟故事主人翁兼監製黎志偉（右二）及導演梁國斌（右一）等，出席「香港亞洲電影節」首映禮。
