娛圈事
許廷鏗：歌手做更多歌非專攻頒獎禮。
許廷鏗出席活動，對於港台及新城電台取消實體頒獎禮，他坦言作為歌手有能力會做更多歌出來，推出唱片不計時間性，並非專攻為頒獎禮而做，但認同歌手在頒獎禮獲得鼓勵是開心事。
許廷鏗與歐鎧淳出席活動。
對有指《第42屆十大中文金曲》的頒獎禮改為製作跨媒體特備節目，他說不知道，不過未聽過有粉絲詐型。他說：「依家粉絲好興在網上開群組搞頒獎禮，用我的歌曲去選出來，可能我要盛裝在家中拎住獎影相。」
許廷鏗謂歌手非專攻為頒獎禮而做歌。
許廷鏗（IG圖片）
許廷鏗（IG圖片）
許廷鏗表示當實體唱片是自己的卡片。
許廷鏗（Alfred）日前舉辦新歌試聽會及簽名會，由中午2點簽到晚上九時，Fans沿途各站上車見偶像，Alfred簽名都簽到手軟：「電車做新歌試聽會及簽名會，我之前好忍手唔幫Fans簽名，因為想等到今日先簽名，可以喺電車度同大家傾吓計，我同歌迷之間似朋友多啲，佢地已經唔會簽叫，所以呢日都會以親民為主。」
Alfred日前在電車舉辦新歌試聽會及簽名會。
Alfred新歌《多多指教》推出在即，亦宣布即將海外宣傳：「廣東話有時頗限制，但如果令其他地方了解多啲廣東話，呢個講法有啲偉大，但最想自己嘅音樂去到唔同嘅地方。」呢日雖然舉行「簽名會」，但中途發生「哈碌」情況：「我本來準備咗十幾枝簽名筆，不過呢一刻應該仲喺我張床度！簽名會唔記得帶筆真係癲咗線，好彩我有個美麗嘅Fans借咗枝筆比我，應該都頂到兩站嘅，不過都叫同事幫手去撲筆。」
Alfred宣布即將海外宣傳新歌。
Alfred笑言自己與Fans沒距離，仲話自己不時「周圍去」，希望與大家貼近：「希望用自己嘅影響力比其他人聽到，所以好多時作品源自Fans嘅DM，成為創作嘅養份。而出碟係因為自己『老餅』、『老派』，想要有實物喺手，我都當唱片係自己嘅卡片，不過張卡片嘅製作費好貴，只要有人買同想我簽名，所以都會製作。」佢就話同贊助品牌熟絡，碰巧對方電車有空檔，Alfred即時借用舉行互動簽名會，仲話有機會巡唱，叫歌迷跟住一齊出Trip。
Alfred笑言自己與Fans沒距離。
雖然實體碟製作費好貴，但Alfred指只要有人買同要他簽名，他都會製作。
