一枝燈

朋友Anna是一個退休公務員, 我知佢經常都買吓賣吓股票, 最近有一次同佢飲茶, 佢哭喪著臉地同我講唔知點解佢自己係一枝燈,買股票經常都是輸多過贏, 我問她買股票的習慣是如何, 是否有做功課？

佢話佢退咗休, 拿着一筆退休金, 都好努力做功課, 日日刨報紙去買股, 出出入入夾埋舊年都係輸少少錢, 雖然輸得唔多, 但唔知點解咁樣, 特別是去年下半年國企股都炒得好行, 但她買的國企股買得遲贏得唔多, 其他股又輸得比較多, 拉埋都係要輸錢。

我詳細了解佢買股的習慣, 發覺佢都係人講咩佢買咩, 通常係睇住報紙頭條嚟買股。佢買股的組合, 大股中股細股都有, 我問佢點解買中型股小型股, 佢隻隻都頭頭是道講出一個理論, 呢個就係因為國家有咩國策攪新能源, 果隻就係有個政策一帶一路攪公路,呢個又話高鐵走出去, 那隻又話聽個名「中國乜乜」都覺得係行業龍頭(佢唔知國企除咗幾 千億市值的超大股之外，都無「中國」做名), 全部都有個理論, 但細細睇返佢買股的時機都係比較差, 由於睇報紙買股, 通常係出到報紙頭條的時候, 那些股都炒得比較熱升得比較高, 唔升高就唔會做新聞, 到做新聞特別係財經版頭條甚至係頭版頭條的時候, 隻股甚至整體大市都升到好高啦。

佢就係揸住自己的退休金, 有少少騰騰雞雞, 開始時唔敢買, 到見到報紙買到行哂出哂頭條時, 先至走去買, 通常係唔摸頂都已係近高位, 好多股票升咗好多佢走去買, 買完再升多幾個巴仙又唔夠水位走, 到碌落嚟時又傻傻地坐係度, 好喇到碌返咁上下, 跌咗十幾二十個巴仙的時候, 又見報紙做頭條, 通常這時候個股市都比較衰,講過股又出現一些極壞的消息 覺得全行業一切黑暗, 中國經濟又爆煲, 銀行又會崩潰, 高鐵又走唔到出去, 反正全部都係衰野, 到呢個時候佢通常會忍唔住走去沽貨喇？

佢坐落賺到錢的都是大股, 輸錢的好多都係中型股小型股, 買的時機係高買, 賣的時機係低沽, 佢所講的做功課, 都只是睇吓報紙而已, 年報都無睇過一本, 幸好佢已無買那些蚊型股(唔少放消息出來話有得炒是想高位派貨) 但總體來說, 佢都係走在人後面。

我比Anna的建議是如你以往買股是贏好多錢的, 就順住個方式去做, 如果過去買親輸多贏少, 其實就是你買的方法是錯, 首先要改變方法才會成功, 比較容易掌握的是不要隨大流, 不要睇報紙的頭條買股, 可能調轉頭係報紙唱到行哂唱到好好時要沽貨, 唔沽哂都要沽一半, 到報紙話到好衰, 好似呢個星期初中國又話出口大跌, 又話1月CPI通脹率得返0.8%, 呢個時候壞消息已出得六六七七, 呢個時候反而是買股的好時機。 我叫佢要有逆反的思維, 買股票的回報就會好些。

陸羽仁

** 博客文章文責自負,不代表本公司立場 **

4月走了大半，很快就到5月。 4月至今股市走勢麻麻，又回到近16000點的邊沿，5月都較難睇好。

港股傳統有「五窮六絕七翻身」之說，5月6月是股民繼10月股災月後，最害怕的兩個月份，深怕股市會大跌。過去多年5月又的確是較多下跌。

5月6月跌市，是因為大部分藍籌股在每年3月公布派息之後，多數會在這一兩月除淨，因而拖累了恒生指數的表現。從這個角度而言，股民收了息，即使股價只因除淨下調也無所謂。但很多時候股市一跌起來，就不止除淨的比例。

我擔心的是美元的升勢。

本周二(4月16日)，亞洲貨幣面對強勢美元重壓，出現一場全面風暴。當日1美元兌日圓最高觸及154.6，是1990年以來新高。美元兌韓圜當日一度升穿1400大關，是去年11月以來首次。美元兌印度盧比匯價，亦一度觸及83.535，創了歷史新高。不過論跌幅，當日跌得最多的是印尼盾，兌美元重挫2%，跌至4年以來低位。這種單日急跌，已有點風暴味了。

尚幸當日人民幣和港元的表現，已不算太差了。當日美元兌人民幣近日徘徊在7.2365左右的水平，相對於去年9月的美元高位7.3420，人民幣尚未試到去年9月的低位，表現已經優於很多亞洲其他貨幣，相信和中國第一季經濟增長5.3%、經濟增長較強有關。港元匯價亦都差不多，1美元兌7.83港元，還未到去年8月7.85的低位。

港元近日在低位7.83徘徊。

不過要小心港元如果再到下試7.85的下限，這是金管局的入巿干預位，一到就要沽美元買港元，到時又會睇到港元銀行體系結餘下跌的消息。

這一輪亞洲貨幣急跌，背後是美元暴漲，其中一個主要原因， 是美國通脹未受控制，美國減息機會大減，市場由原預計聯儲局將會由6月開始減息，現在預計推遲到7月甚至9月才開始減息。美國債息急升，10年債息本周二曾暴升4.6960厘的高位，近日略回吐至4.52厘。

美國10年債息，又開始上試去年高位5厘的走勢。

到底美息已經見高位回落，還是下月美國公布通脹時有更差的反應，美息會再上高位呢? 如果美國通脹數字再衝高，美國今年減息機會再降的話，美國債息有條件再試高，畢竟市場如今預計美國今年還有機會減息2次，若期望再落空，美息有機會衝高。

港元弱代表資金外流，通常股市會弱，未來再先看美元和港元走勢，希望港元不會再跌到7.85觸發金管局入市。

5月6月是多變月份，暫時不宜太進取了，要先觀察美國通脹和利息的走勢。

(陸羽仁《金融High Tea》專欄，逢周一至五，在「石榴台」獨家發布，歡迎您訂閲石榴台收睇)