B2合體處女個唱 譚嘉荃驚感動爆喊唱唔到

加油！

前二人女子組合B2成員譚嘉荃（Amy），03年於組合解散後，她繼續以獨立歌手發展。為慶祝入行20年，Amy決定今年舉行首個處女個唱「譚嘉荃《一路上有你》演唱會」。原定9月在九展開騷，後因天氣關係延期至本月22日，但Amy反而開心，因為演出場地不但改了在大3倍的旺角麥花臣場館，而且她有更多時間準備。現時每日拉筋、做瑜伽兼排舞，她希望日日操、練大氣量。而最開心是拍檔郭可穎（Sandy）會繼續撐她，她坦言二人同台怕喊到唱唔到。 

譚嘉荃與拍檔郭可穎將合體在個唱中同台演出。

譚嘉荃仲有唔夠兩個星期就開處女個唱。

范振鋒（左）和漢洋（右）會為譚嘉荃擔任個唱嘉賓。

近日Amy為她的處女個唱四出宣傳，為其演唱會擔任嘉賓的漢洋和范振鋒（Ricky）日前一齊接受訪問。提到當日要將個騷押後有冇唔開心時，Amy反表示很感恩，「其實決定開呢個騷時唔算好多時間準備，記得當日錄完條片宣佈延期，我係如釋重負。」漢洋接着說：「因為佢覺得好多嘢仲未夠好。」Ricky問她覺得咩未夠好時，她稱：「歌衫、舞蹈，同埋啲歌執得未夠好，所以經過呢兩個月，Rundown有執過，有啲嘉賓係新嘅，亦有啲嘉賓嚟唔到，幸好我B2嘅拍檔Sandy（郭可穎）話會繼續撐我。」

譚嘉荃與拍檔郭可穎近日頻頻練歌。

譚嘉荃幾乎每日都會跟Dancer一齊練舞。

Amy回想B2剛入行時是很渴望開演唱會的，可惜當時冇機會，她感動稱：「我同Sandy同台呢一part我會好珍惜，到時我好驚我喊到唱唔到。」由於今次在比九展Music Zone大3倍的麥花臣場館舉行，觀眾由500人增至1500人，所以Amy表示會更努力操練，她坦言：「我家唔係做瑜伽就係去拉筋，仲有排舞、練舞同行山，希望做好啲，到演唱會時氣量都會好啲。」Amy更透露因緊張致甩頭髮和失眠，為怕影響聲線和表現，現時要學習放鬆心情，希望到時一切順利！

譚嘉荃拍攝個唱海報時罕有地性感。

譚嘉荃與郭可穎2000年組成B2，可惜3年後解散。

譚嘉荃在原定開個唱當晚曾透過社交網開了「天氣不似預期Live」來答謝歌迷。

譚嘉荃與漢陽22日晚假文化文中舉行「滿漢荃席音樂盛宴演唱會」，兩人圈中好友如薛家燕、敖嘉年、黃翊等，及久未露面的施綺蓮亦和20歲女兒一起到場。

敖嘉年

蔣嘉瑩

黃翊

陳榮峻夫婦

施綺蓮同女兒

家燕姐

譚嘉荃與漢陽甫出場即又跳又唱10分鐘，兩人唱出《妖女》、《拒絕再玩》及《芳華絕代》等歌曲，向梅艷芳及張國榮致敬。另兩人分別唱出英文、國語、日文歌大晒語言天份，不過漢陽唱英文版《吻別》時就忘記歌詞。當嘉賓敖可凝出場後，她與譚嘉荃合唱《如果…陽光》、《初戀》，譚嘉荃指敖可凝患有先天性免疫系統病，不過仍追求音樂夢，之後她自爆免疫系統最近也出問題，至於漢陽則與樂隊All For One在台上夾Band。譚嘉荃其後換上低胸裙性感現身，與漢陽為音樂劇演繹一對情侶，並唱出《日與夜》、《相依為命》等歌曲。

譚嘉荃與漢陽甫出場即又跳又唱10分鐘

兩人向梅艷芳及張國榮致敬

兩人向梅艷芳及張國榮致敬

兩人向梅艷芳及張國榮致敬

譚嘉荃自爆穿紅色長裙演出時，一上台就跌Bra

漢陽就指自己不停發台瘟

譚嘉荃。

完騷後，兩人異口同聲表示演出時出現很多小意外，漢陽指自己之前染疫後失聲，故一直很驚會影響今次演出，又指自己不停發台瘟令譚嘉荃想殺了他，譚嘉荃就解釋在音樂劇中經常出現疊聲狀況，令她感到激氣。而漢陽又指唱《吻別》時，提字機突然發生故障失靈，問譚嘉荃給漢陽的表現值多少分，她給不出分數，不過她直言也不滿意自己的表現，她指開騷前幾天免疫系統出問題致眼腫，所以狀態不好，更自爆剛身穿紅色長裙演出時，一上台就跌Bra：「中樂嘅時候，一出場個扣就啪一聲甩咗，我呆咗，跌咗一邊落嚟（右邊），如果講得核突啲係斜咗，我就縮埋同擰轉背，成part就冇辦法專心唱歌，到咗做音樂劇嗰part我冇咗內衣，條牛仔裙就不斷瀡落嚟。」她指自己在B2時期也曾發生過類似的事件，當時因為穿上背心跳舞，所以跌到落肚臍，漢陽就笑指自己沒看到譚嘉荃跌Bra「嘥咗」。

譚嘉荃漢陽開騷一個跌Bra一個發台瘟，施綺蓮久未露面攜女撐老友。