娛圈事
「我好耐冇拍早班，擔心會唔知醒，所以好早就食藥瞓覺 。」
苑瓊丹日前為香港開電視拍攝新節目《開工大吉77》，苑仔出私伙衫化了古裝，以經典角色「龜婆」造型上陣，她說：「今日第一日開工有啲緊張，搞到琴晚要食兩次安眠藥，因為我好耐冇拍早班，擔心會唔知醒，所以好早就食藥瞓覺，點知隻狗半夜嘈醒我，又食多次；冇耐我又熱醒咗，但我唔敢再食喇，怕自己暴斃做咗頭條。」
苑仔在鏡頭前做出驚嚇的表情。
苑仔希望「龜婆」造型令人看得開心。
苑仔一拍完即緊張地看playback。
她續稱節目主要推介香港開電視每周節目精選，預告節目不會爆料，她說：「因為以前講邊個咸豬手搞到滿城風雨，今次我會同大家分享片場小秘聞，將不為人知嘅一面講畀大家知，等有心人知多少少。」她更歡迎有興趣人士入行與她做同事呢！
資料圖片
苑瓊丹表示：「正所謂人一世物一世，試吓做公主都唔錯。」
新春將至，一向顧家的苑瓊丹返港準備過年，更向大家宣布近日獲頒「公主」名銜，笑言要老公下跪請安，「大家叫我做『石榴公主』我都幾開心嘅，如果去大馬等地，申請埋老公做埋拿督，機場可以行紅地毯添！正所謂人一世物一世，試吓做公主都唔錯，我真名叫苑麗瓊，英文字係『King』嘛，根本就係皇族嚟嘅，所以買頂皇冠獎勵自己。」
苑瓊丹獲頒「公主」名銜。
苑仔笑言要老公下跪請安，又要買頂皇冠獎勵自己。
早前傳出苑仔「息影」，依家仲「升呢」做公主，但係佢就冇諗住退休，仲話好鍾意工作：「我唔係『息影』，只係唔拍住！佢地分別係息影就唔洗搵我啦，唔拍係可以傾吓，但都係覆你唔得閒，因為嚟緊龍年好忙碌，要內地做直播之餘，仲想將呢個產業帶翻嚟香港，有時間想開個講健康嘅頻道添。」
苑仔直言好鍾意工作，無諗住「息影」。
講到新年願望，苑仔笑言收山唔會爆製「小公主」，專心照顧家中十多隻小狗：「依家有十幾隻狗仔，雖然我成日四圍走，但唔會搬佢地返內地喇，因為香港有兩個工人照顧佢，我返嚟就由公主變翻做奴才追住幫佢地『執金』」。
苑仔同大家拜個早年！
