*

upload_article_image

同陳瀅拍外景有講有笑 楊明大讚女友靚唔怕被電暈

小心傳緋聞!

最近「大忙人」楊明連踩兩組電視劇,疊住演出劉家豪監製的《逆天奇案》及陳耀全的《伙記辦大事》。日前他跟陳瀅(Jeannie)去咗西貢早禾坑碼頭拍《伙》劇外景,現場途人唔多,拍得相當順暢。呢期好旺的楊明戲裏戲外都笑騎騎,仲不時同索女陳瀅有講有笑,小心傳緋聞喎。

楊明Chok住拍,好投入。

楊明戲裏戲外都笑騎騎,一臉輕鬆。

楊明同陳瀅日前喺西貢早禾坑碼頭拍外景時,獲劇組高設防包圍及保護,傳媒不能走近探班。

楊明喺新劇《伙記辦大事》做交通警,但成套劇都無緣騎上鐵馬。日前楊明去西貢拍外景,場口講陳瀅飾演的卧底貨Van司機,因為要車社團成員李泳豪去碼頭著草,刻意駛走楊明去買雪糕。因為係文戲,兩人拍得相當輕鬆。N次演警察的楊明好入戲,chok到爆,他強調唔擔心喺呢個時候做警察會較為敏感:「早於喺《機動部隊2019》、《機場特警》、《網絡騙案》我都係警察啦,演員係要做好本份,而呢套劇就以感情戲為主,其實唔太關警察事。開外景至今都好順利,無受到任何事情影響,不過公司都有畀指引我哋,提醒我哋要睇環境,小心啲執生去保護自已囉。」

陳瀅飾演臥底貨車司機,所以收起性感,著牛仔褲現身。

未知有無親熱戲

問楊明今次有冇畀好惹火嘅性感女神陳瀅電暈?楊明笑說:「唔怕,思明都靚呀!我同Jeannie曾客串過兩集《降魔的2.0》,佢做保護我嘅靈魂,Jeannie好隨和,好有活力,同佢合作得幾舒服,因為未出晒劇本,仲未知有冇親熱戲。」

Jeannie係女神,緋聞量極多。

楊明抱住小朋友同女友莊思明影相,一臉幸福。

楊明攬實靚女港姐陳曉華拍《網絡騙案》。