*

upload_article_image

游說心穎回港拍續集?張振朗:低級演員冇話事權

張振朗坦言:「要睇公司決定。」

張振朗、吳岱融和龔慈恩出席劇集《牛下女高音》的宣傳,現埸他們寫出開拍續集及開演唱會的夢想,吳岱融更希望保持這份情緒多拍中佬輕喜劇。問到是否與監製談過開拍續集?他笑言:「同監製只有眼神交流。」龔慈恩續稱:「希望下次同吳岱融有多啲溫馨戲,最初睇劇本話有BB我都接受唔到,但出嚟嘅效果好正面。」

一眾演員為劇集《牛下女高音》宣傳。

提到黃心穎終於在網上「浦頭」,表示怕劇集因自己的緣故不能播出而連累大家,並向大家道歉,吳岱融說:「比着我都會擔心浪費大家嘅心血,但劇集推出後反應好好,佢可以放心,冇事!」吳岱融亦大讚心穎與張振朗表現好,希望大家多多包涵,將工作與私事分開,若開拍續集他也希望心穎一齊拍。

龔慈恩希望與吳岱融可以再合作。

張振朗好多謝吳岱融的讚賞,他笑言幸好沒有被比下去,而他與心穎合作亦有很多火花,對方亦好努力,只要觀眾覺得好睇已心滿意足。提到心穎在網上向大家道歉,他覺得不需要講對不起,劇集已經推出,而且反應好好,心穎不需要怪責自己。

張振朗表示今次與黃心穎合作擦出很多火花。

問到是否希望開拍續集?張振朗坦言:「冇諗,但如果開拍續集最希望同其他好戲之人有多啲對手戲,尋晚睇到鄭敬基、車婉婉同曾偉權嘅戲都毛管戙。」至於開拍續集會否游說心穎返港?他續稱:「要睇公司決定,我係低級演員冇話事權。」他稱現時先搞好演唱會,他聽曾航生表示會計畫開演唱會,他也希望可加入一齊唱歌。

張振朗表示若開拍續集,選角是由公司決定。