*

upload_article_image

億五身家鄭伊健不老之謎 原來最鍾意同細路玩

大細路一名~

話咁快鄭伊健就52歲,年頭先喺香港開完六場演唱會,之後再去美國、馬來西亞同內地開Show,有觀眾緣好重要,咁都要啲歌好聽嘅。未有戲拍嘅伊健唔算太忙,喺巡迴Show之間都可以約朋友飯聚。11月3日(日),伊健開完天津Show翌日即約老友,其御用監製陳光榮及兩女一男一小朋友一狗狗食晚飯,發咗小小福,頭髮依然咁濃密的伊健大部份時間同小朋友吹水,離開時一大一細黐實密密傾,畫面好治瘉。明白點解伊健5字頭感覺仲咁Young,一有錢,二心境年青,明晒。

伊健當晚好好胃口,Pizza一塊接一塊。

鄭伊健真係好完美,靚仔但專一,有錢又孝順。同蒙嘉慧結婚六年,早前就將旗下公司「EK Plus Limited」加入太太名字擔任董事,又掟千萬買入元朗地皮起村屋送畀岳父安享晚年。11年老婆遇上交通意外,翌年遭被撞車上乘客入稟高院索償403萬,當年仍屬男友的伊健,全面協助YoYo面對官司訴訟,官司終在去年尾完結,獲法官宣判賠償金額減至51萬,成功為妻討回公道。

- 閱讀更多 -

往下看更多文章