*

一家四口溫馨開餐 任賢齊黐實仔女做甜心Daddy

好爸爸

「絕世好男人」任賢齊同太太陳則妤(Tina)育有一子一女,小齊為工作一家由台灣移居香港10幾年,向來家庭第一的他,無工開時務必陪住屋企人,對子女更是保護。除咗15年同仔女拍過廣告外,他盡量不讓子女曝光,尤其堅拒參加親子真人騷,怕子女出鏡後備受批評承受壓力。日前晚上,《頭條日報》發現小齊一家四口在淺水灣食晚飯,14歲大女Rati已長得亭亭玉立,9歲細仔Cody同爸爸生到餅印一樣,食飯期間小齊同囝囝在餐廳門外傾偈,溫馨Dinner食足個幾鐘,最後由小齊接載家人回家,暖爸夠晒Sweet! 

小齊埋完單偕太太步出餐廳。

小齊捉實兒子Cody秘密談心。

14歲大女Rati初長成亭亭玉立。

- 閱讀更多 -