意外墮海撞斷肋 余安安開始慢動作人生

祝早日康復！

60歲余安安日前由家傭姐姐傍實出席新片《失蹤》首映禮，原來之前她曾意外墮海，「墮海後翻咗幾個筋斗兼撞斷咗幾條肋骨。」但問到詳情，安安姐話斷了片忘記了，因為受傷後暈了，過了一段短時間才醒，有知覺時已被送院。經此一役，安安姐和戲裏戲外仔女關係更緊扣，兩個親生囡囡多了回家陪她食飯，「阿囝」凌文龍及「阿囡」鍾欣潼（阿嬌）就送上溫暖的問候。

因為受咗傷，安安姐要開始慢動作人生。

安安姐受訪期間要墊住個背嚟坐。

處於康復期的「索媽」余安安精神爽利，但因為受傷無得做運動令她「籮籮攣」！安安姐話最初劇痛：「唔可以大笑，咁會chok親肋骨，尤其咳嗽，嗰啲痛足以令到人喊。家行路都變得生硬，要搵個咕○臣頂住個背坐，其實我係個好心急嘅人，平時動作好快，家成日畀人鬧我要放慢啲，但好怕變咗慢動作咁，好彩兩個女好生性，多咗返嚟陪我，家傭姐姐多年嚟係我生活上好拍擋，好知我有乜需要，有佢哋就唔怕冇人照顧。」

安安姐喺60歲生日派對翌日受傷，當晚派對上同兩女玩得好開心。

平日做開運動的安安姐身形體格都好Fit，因此，康復進度理想。

而戲中仔女凌文龍及鍾欣潼都好關心安安姐，相距16年再同阿嬌合作，安安姐大讚變成人妻的阿嬌無咗當日份稚氣，反而添上成熟，好識得照顧人：「有乜靚嘢佢會介紹畀我，好sweet。我哋會傾吓套戲，交流得幾好，好有火花，今次見到佢有內心戲。反而同阿囝小龍得一分鐘對手戲，但兩人好珍惜呢分鐘演出。」她又指跟戲中一眾「囡囡」如阿嬌、文詠珊及薛凱琪關係不太好，但戲外卻好親蜜，而且她腳頭好，阿嬌、JM同樣嫁得好，只等緊Fiona的好消息。

片中安安姐同阿嬌有好多嘈交戲，好有火花。

安安姐見證JM嫁得好。

安安姐等緊Fiona的好消息，但唔會畀壓力催促她。

香港演藝人協會今日（3月7日）在會長古天樂、副會長余安安、錢嘉樂及一眾新任理事會成員：張繼聰、周家怡、岑珈其等率領下舉行春茗茶聚，吸引過百會員踴躍出席，羅蘭、余慕蓮、丁羽、馮素波、邵音音、梁葆貞、黃夏蕙、許思敏等現身支持，場面墟冚。

會長古天樂親自率領新一屆理事跟演藝人協會成員拜年。

理事會新成員年輕化
香港演藝人協會第十六屆理事會換屆大選已於本年初完成，古天樂連任會長，余安安和錢嘉樂連任副會長，亦有不少新面孔登場，當中張繼聰、周家怡分別當選成為新一屆秘書長及司庫，而岑珈其、張敬軒則當選為理事，王梓軒、徐智勇(小肥)、梁棨寧(咸旦)、游學修、雷深如(J.Arie)、趙善恆及鄭文獲邀加入成為特邀理事。多位理事會成員，今日齊齊出席春茗茶，首度與會員聚會，副會長余安安對於理事會成員「年輕化」表示：「好開心，有好多年輕成員參與，因為我哋始終有日會退休，永遠都要有後浪。」

余安安親製蛋糕慶祝香港演藝人協會成立30周年。

四位獲頒「傑出演藝大獎」的前輩藝人余金珠、徐廣林、高爾珩及周驄，跟古天樂、余安安和錢嘉樂合照。

張繼聰出席春茗學嘢
張繼聰、周家怡、岑珈其等幾位新理事成員，異口同聲表示首次出席演藝人協會春茗活動，當中張繼聰表示：「第一次參加，好開心，希望可以跟前輩學多啲嘢，嚟緊慢慢再了解吓，繼續幫前輩會員之餘，又可以為後生會員提供輔助同聯繫，希望將演藝人歸納多啲類別，令演藝界更團結。」而岑珈其就表示希望為演藝人協會多搞聚會：「疫情後，好多活動都停晒，希望可以搞多啲活動，吸納新嘅年輕藝人加入會，等多啲人知道個會。」至於擔任司庫的周家怡，笑言自己計數不精：「搵個最唔叻數學嘅人做司庫，可能信得我過，好彩有會計幫手。希望可以搞多啲活動，令個會普及化，多啲人認識，嚟緊都會有好多School Tour及各種慈善活動。」

張繼聰捐出禮物抽獎。

游學修派禮物！

新任理事趙善恆驚喜獲贈壽包預祝生日。

四人獲傑出演藝大獎
席間除了有余安安親製蛋糕慶祝香港演藝人協會成立30周年外，還頒發「傑出演藝大獎」，表揚過去多年來為演藝界付出寶貴青春、貢獻良多的前輩藝人，今年由余金珠、徐廣林、高爾珩、周驄榮膺獎項，會長古天樂更驚喜現身，其中周驄在古天樂手上接過獎座後，中氣十足表示：「多謝大家畀我嘅肯定，我想講良心說話，我唔係為個人得獎而來，我真心欣賞演藝人協會，特別欣賞古天樂先生，我擦鞋擦咗幾十年，我估古天樂先生心裡有個願望，係搞演藝人協會轄下老人院。」對此，古天樂表示好榮幸可以頒發獎項給前輩，大讚每位得獎藝人都實至名歸，但問到他是否如周驄所言有願望搞老人院？古天樂表示：「我都估唔到，因為係非常複雜，我盡力啦。」

會長古天樂大受歡迎。

余慕蓮（魚毛）出席春茗時身形仍然偏瘦，且走路時要傭人攙扶。

她透露身體狀況麻麻，日前食魚不慎鯁骨，要到急症室。

余慕蓮鯁魚骨入急症
至於2020年患上肺纖維化的余慕蓮（魚毛），出席春茗時精神不俗，但身形仍然偏瘦，且走路時要傭人攙扶，問到魚毛健康狀況？她自言身體狀況麻麻，日前食魚不慎鯁骨，要到急症室，她說：「喺醫院等咗七個半鐘，好多人，最後都係要留院一晚，先攞番條魚骨出嚟，而家我精神OK嘅，但醫生就話我唔可以跌，所以我都唔敢自己出街，一定要有姐姐陪，每朝早七點去公園行，夜晚喺屋企睇兩線劇，睇完就瞓覺；而家開始冇記性，所以都有搵啲朋友打台灣牌，訓練自己。」

春茗大合照夠晒熱鬧！