挑戰73歲倉田保昭 歐錦棠被打中胃死頂唔NG

「因為一痛又要俾佢打多次！」

老牌日本動作片演員及空手道高手倉田保昭，日前專程來港為ViuTv拍攝新劇《空手打天下》，戲中與歐錦棠較量空手道。他們今次是第一次合作拍電視劇，雖然對方話盡量不會誤傷對手，但是一Roll機就打中歐錦棠個胃，痛到他叫救命，不過怕再重拍所以死頂！

歐錦棠、張建聲

歐錦棠、倉田保昭

現年73歲的倉田保昭笑指廣東話好難學，但都記住句「你好嗎」與台前幕後打招呼。他說：「今次是第一次合作拍電視劇，亦是擔任監製的歐錦棠邀請我來參演，因為之前我們在舞台劇結緣。而拍空手道戲與真打分別不大，但拍劇對手都是演員，盡量留力不會誤傷對手。」

歐錦棠、倉田保昭

歐錦棠、張建聲與倉田保昭同場感興奮，棠哥幽默的扮對方講廣東話，笑指與對方道場上較勁，深深體會倉田保昭功架：「我哋同佢打咗一場，佢一Roll機就打我個胃，我死頂住唔NG，因為一痛又要俾佢打多次！佢係空手道宗師，咁多年來第一次拍電視劇，所以俾佢打都開心！」

歐錦棠、倉田保昭

歐錦棠、倉田保昭

歐錦棠最近出新片，大爆TVB及亞視的Show錢。

60歲歐錦棠近年主力經營自己的YouTube頻道《乜乜棠水舖》，有時會講下舊香港，又會講下奇案，因此都吸納了不少觀眾。他於1990年加入亞州電視，2001年過檔無綫，直至2016年與無綫完約回復自由身。他近日拍片透露如何計算Show錢，更大爆當年在亞視幾乎年年做到爆Show。

歐錦棠現在轉型作YouTuber

他首先教大家計算show錢，指只要亮相都叫做一個show，而每人show錢不同，他舉例當年剛加入亞視時是1000蚊一個show。他又指做配角比主角更易爆show，因為可以同時開幾套劇。他說﹕「一般嚟講半小時計算，因為香港劇集習慣咗一個鐘其實冇一個鐘，44分鐘左右，有廣告時間，劇集內容就會有四部份出街，所以會以半個鐘形式計算，你前半個鐘出鏡一個Show，後半個鐘出鏡一個Show，如果我四Part都出鏡，都係計兩個Show啫。另外綜合節目，無論幾長都好，都係一個Show，一般嚟講綜合節目半個鐘起跳，好少會超過半個鐘。」

他指當年在亞視時期，一年簽約70個Show，1996年歐錦棠同時做多個綜藝節目，包括《今日睇真D》、亞視港男、奧運會等節目，「嗰時冇拍劇，嗰年我做咗670幾個Show，即係爆咗600個Show」勁賺500萬！其後他在tvb時亦長年拍處境劇，包括《同事三分親》、《畢打自己人》及《誰家灶頭無煙火》，當時他月入最少17萬元！

歐錦棠在tvb時長年拍處境劇，包括《同事三分親》、《畢打自己人》及《誰家灶頭無煙火》

歐錦棠在tvb時長年拍處境劇，包括《同事三分親》、《畢打自己人》及《誰家灶頭無煙火》

他又透露藝員離巢原因，他指電視台為了不養太多員工，想出「一Show」約，即是一年只有一個Show做。如果沒有工作，只可拍電影，又不可以去其他電視台工作，因此很多藝員都怕收入大減而離巢。

他指tvb唔想養太多員工，全部出「一show」約