*

upload_article_image

唐詩詠自爆唔鍾意收兵 王浩信望下次拍喜劇

兩位好合拍。

王浩信和唐詩詠繼兩年前《不懂撒嬌的女人》後,最近再在《解決師》中合演情侶,意外發現兩人的默契更進一步,浩信踢爆詩詠成日不自覺發白日夢,仲自誇好了解拍檔有本事將詩詠由太空拉回地球,這更是追詩詠的必殺技;而被喻為「絕世好女友」的詩詠亦承認,揀對象要好似浩信一樣拉到她回地球好重要,至於勇敢向她表白的男仔亦會加分,她又講到明自己唔鍾意收兵,朋友同男友分得好清楚。浩信和詩詠仲合拍到約定將來在浩信自編自導自演的微電影中齊齊發放笑彈。

詩詠講到明視帝會投契哥馬國明《白色巨人》一票。

浩信和詩詠都話知道再合作時既興奮又期待,不過亦多了份憂慮,詩詠說:「我哋仲有咩可以做呢?上次大家有咗個好大嘅效果,入到觀眾個心,大家會有期待,今次仲要冇上次咁多拍拖嘅sweet嘢,都會有啲憂慮㗎!」不過,好彩詩詠對浩信有信心,「我知佢同我演戲方面諗法好似,唔使好似同某啲對手要袋定啲嘢做定準備,可以去到現場先決定。」

- 閱讀更多 -

往下看更多文章