*

upload_article_image

網民惡搞中大「武器庫」 學生成功製造高達堵路 

二次創作

多所大學校園近日捲入反修例風波,中大更成為主要「戰場」,被警方形容為「武器庫」及「兵工廠」。中大由「暴大」變「武器庫」,觸發不少網民惡搞靈感,有網友就二次創作,將已拆卸的日本台場高達照片,「混」入蒙面黑衣示威者之中,頗有氣勢。

網民二創圖片,令高達站立在示威者背後。網上圖片

WhatsApp更瘋傳多段惡搞錄音,繪影繪聲咁指出中大生已成功製造出機動戰士高達,正前往市區堵路。一位阿叔說「堅架!我啱啱喺大圍望上去,尖山上有高達行緊出九龍,仲掃毁好多高架電纜!」;另一段錄音則說「好緊急,我表妹喺中大讀書,係前線嚟,現在成班中大教授都好緊張,中大學生成功整咗隻高達出嚟,準備揸出去尖沙咀做堵路。幫手發出去,有激光劍同鐳射彈,大家千祈要小心,盡量唔好出街。」

除咗高達呢啲高科技武器,連「失傳絕學」都搬埋出嚟,另一段搞惡搞錄音就爆料「好緊急!一手料!我有朋友喺中文大學做,職員嚟,話段校長食完催淚彈後醒覺。原來佢係大理段氏後人,近日喺屋企修練六脈神劍,已出關,今晚有大鑊嘢,佢會上前線保護學生,會用六脈神劍,叫啲人小心啲。見到鐳射光就要小心,唔係普通嘢,係六脈神劍!」