*

upload_article_image

譚嘉荃處女個唱改場 無打算取消周五麥花臣騷

「盡可能都想如期演出,或者會提早開騷,希望盡快可以散場。」

為慶祝入行20年,譚嘉荃(Amy)決定今年舉行處女個唱「譚嘉荃《一路上有你》演唱會」。原定9月在九展開騷,後因天氣關係延期至本月22日,還改在大3倍的旺角麥花臣場館演出。因此,Amy反而開心,而且她有更多時間準備。不過,眼見今午主辦單位突然在FB專頁宣布取消晚上的RubberBand及Eman演唱會,Amy係有顧憂嘅。據經理人漢洋表示,兩人有為此作出溝通,他拍心口說:「因為係佢嘅處女騷,不論佢同觀眾都好想繼續,就算點樣都會做,最壞打算咪再改期,絕對唔會取消咗就算,如非狀況太壞或者出咗宵禁令,盡可能都想如期演出,或者會提早開騷,希望盡快可以散場。」

見RB取消咗麥花臣演唱會,漢洋即時向譚嘉荃派定心丸。

李國祥有情有義,就算改咗期都堅持為Amy處女個唱做嘉賓。

漢洋又分析形勢說:「因為區議會選舉喺下週日(24日)舉行,我相信喺選舉前夕大家都會抖一抖,不論咩政見立場都想如期進行選舉,大環境應該會比較平靜,而且麥花臣球場球同彌敦道戰場有段距離,照計周五應該冇乜大問題。」日前Amy曾開FB Live試水溫,收到3000幾個like,反應屬意料之外:「仲諗住個個睇緊新聞直播,估唔到仲有好多人追蹤佢個Live,比以前做直播反應更好,原來大家緊張局勢同時都要紓緩情緒,既然改變唔到嘅事實,The show must go on,只希望局勢盡快平靜落嚟。而開Live期間,唔少觀眾都表達想繼續睇show。」

日前Amy開Live試水溫,睇吓觀眾仲想唔想睇她演唱會。

Amy處女騷曾因為風雨改期,改到本周五喺麥花臣球場展開。

連日來譚嘉荃落力排舞。

譚嘉荃唔只聲靚,身材仲冇得輸。