*

upload_article_image

45歲張玉珊依然索爆 牛一同松岡李那狂飲兩萬蚊紅酒

依然好靚~

11月8日係上市公司主席張玉珊(Shirley)45歲牛一,圈中好友吳千語、周麗淇、松岡李那(linah)蒲晒頭,盛裝替「姐姐」補祝生日。

Shirley講求生活質素及品味,生日會上自然食好西,場內有大大隻鮑魚,仲有靚酒放提,今日linah喺IG出Post晒酒,見枱上放咗13枝有由6千至兩萬左右嘅靚酒(部份變咗吉樽),包括法國布根地名牌酒莊紅酒及白酒,及波爾多紅酒,還有香檳,唔怪得linah自爆話飲飲食食咗大量美酒佳餚,好幸運有呢位「姐姐」,飲飽食醉,吳千語、周麗淇、松岡李那開心得獻吻賀壽,勁溫馨。

吳千語、周麗淇、松岡李那吻壽星。

張玉珊開生日會請咗一班朋友飲過痛快。

枱上好酒枝枝都唔平, 全部都出自法國名牌酒莊,有價有市。

由15歲開始被發拓做歌手,至今張玉珊變身商界女強人,愈來愈有貴氣和氣質,雖然40有5,但keep住皮光肉滑,拍埋班後生女度依然冇得輸,絕對係靚爆鏡,就算復出幕前仍有市場。

呢枝法國布根地紅酒價值兩萬元。

呢枝紅酒雖然都係來自布根地酒莊但唔同酒款,都要兩萬。

張玉珊出道時相當清純,好吸引。

近年她經常貴氣地現身慈善活動。