*

upload_article_image

理大「勸降」風波 朱鎔基根本無孫兒何來曾孫女?

理大激進示威者佔據校園被警方包圍兩天,前立法會主席曾鈺成及港大法律系學者張達明通宵進入校園,另外,理大校長滕錦光及校董會主席林大輝凌晨分別進入理大,結果勸了300多名年輕人離場。

不過,事件餘波未了,在今早網上突然瘋傳一段訊息:「原來曾鈺成咁神心入理大只點名救兩個人。大家唔係以為林大輝同老鼠曾真係做好人,佢哋目的只為救一大陸女生朱容(鎔)基曾孫女,佢叫朱媛。」

網上流傳的信息

網上流傳的信息

Ariel一聽打咗個「突」,又關前總理朱鎔基事?傳言話曾主席同林主席咁緊張入去,係救一名內地生,叫朱媛,仲話佢係朱鎔基的曾孫女。

Ariel即刻問熟悉北京政情人士,佢哋笑到跌落地,傳言中幾個情況實在太流。朱老闆(朱鎔基)有一兒一女,兒子朱雲來並無細路,因此話有個叫「朱媛」的人係朱老闆的曾孫女,一定係錯的。

至於朱老闆的女兒朱燕來曾在中銀香港工作,佢就有個囡囡,所以朱老闆有一名外孫女,但外孫女不姓朱,已經讀完書工作三年,唔好講話未結婚生仔,目前男朋友都未有,而且外孫女目前在北京。

結論係若有一位「朱媛」在理大內,都唔係朱老闆的曾孫女,亦可能無「朱媛」此人,成件事都係作出來。或者有人覺得曾主席今次做和事佬攞咗分,唔想選舉中對有些政團有利,所以傳出各種講法,但老屈朱老闆,就有點兒戲啦。

Ariel

** 博客文章文責自負,不代表本公司立場 **